Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
Kai latgalīši Reigā draudzējās
Categories: LgSC pasuokumi

Aizvadeitajā nedelī Latgolys Studentu centra Reigys birojs aicynuoja iz latgalīšu draudzeišonuos vokoru jeb pasuokumu LaLaDra. Pusūtrys stundis garumā klauseituojim beja īspieja dzierdēt latgaliskys ailis i atziņu ryndys, prozu, kas lyka pazasmīt i padūmuot par dzeivi, kai ari dažaidu žanru dzīsmis latgaliski, latviski i angliski.

Kai zynoms, Reigā sasatikt ir cīši gryušai, deļ tuo pasuokums daudzim beja loba īspieja beidzūt satikt kaidu sen naradzātu draugu i  īpazeitīs ar jaunim cylvākim.

Sokom lelu paļdis vysim, kas pīsadalieja – Aijai Mežalei, Evikai Muižniecei jeb Karonhisake i Ilzei Spergai par breineigajim vuordim i nūdereigajuom atziņom, Reigys latgalīšu folklorys kūpai, Santai Manuilovai i Lienei Kukainei par vokora pīskandynuošonu i syltuos nūskanis radeišonu. Kai ari lels paļdis kopejneicai “Leningrad” par īspieju sasatikt jūs telpuos.

Gaideisim jiusus iz pasuokumim ari turpmuok!

Karteņuos nalels īskots pasuokumā.

Agita,

LgSC Reigys birojs

Kartenis: Edeite Husare

 

Pastuosti cytim!

Leidzeigī roksti:

Leave a Reply