Apvuiceibys

“Dubnas pieRaksti”

Apvīnuojūt jaunīšus nu Daugovpiļs, Vuorkovys i Leivuona nūvoda, LgSC 2017. godā eistynuoja jaunīšu iniciativu projektu “Dubnys pīRoksti”.
Projekta golvonuo dūma beja saaicynuot jaunīšus nu dažaidu nūvodu, kab vosorys suokuos dūtūs kūpeigā pīdzeivuojumā – sešu dīnu laivu puorbraucīnī pa Dubnys upi, kuruo laikā tyktu pieteiti upis krostā asūšī kulturviesturis objekti, intervāti krosta dzeivuotoji i īsavuiceitys jaunys kompeteņcis vidis, kulturviesturis, pylsūniskuma i videografejis jūmuos. Piec laivuošonys pūsma jaunīši kūpeigim spākim veiduoja karteņu izstuodi, kinu i informativū materialu par vidi, par ekspedicejis laikā pīdzeivuotū, radzātū i sajustū.

Projekta vadeituoja: Dagnija Dudarjonoka. Projekts eistynuots ar LR Kulturys ministrejis i bīdreibys “Dienvidlatgales NVO atbalsta centrs” atspaidu.

Latgales jauniešu drošumspēja un pilsoniskums

Projekta mierkis ir veicynuot jaunīšu drūšumspieju, sekmejūt Latgolys regionā iniciativys i jaunīšu piļsūniskū leidzdaleibu. Projekta aizdavumi ir veiduot izpratni jaunīšim par drūšumspieju i piļsūniskū leidzdaleibu/aktivitati, izgleitojūt par īspiejom i napīcīšameibu pilnveiduot pilsūniskumu i iniciativys, snīgt atbolstu jaunīšu iniciativom, pylnveidojūt personiskū drūšumspieju i īdvesmojūt cytus byut atbiļdeiguokim i aktivuokim sovā kūpīnā.

Projekts eistynuots 2015. godā.

“Vuiceisimīs latgalīšu rokstu volūdu vīnuvīt”

Projekts tika īstenots 2011. un 2012. gadā. Projekta mierkis ir paplašynuot latgalīšu rokstu volūdys pratieju lūku jaunīšu vydā, veicynuot jaunīšu interesi par regionalū kulturu, rūsynuot vaira izmontuot latgalīšu volūdu na viņ mutvuordu saziņā, bet ari rokstūs.
Projekts eistynuots 2011. i 2012. godā.

Jaunīšu apvuiceibys “Atzolys”

Jaunīšu apvuiceibys “Atzolys” paleidz apsazynuot jaunīšim Latgolys sovpateibu, īvuica byut lapnim par sovom saknem i pīdereibu i veicynoj jaunuos paaudzis iņteresi par Latgolu i latgaliskū. Golvonuo “Atzolu” vierteiba ir stypruos tradicejis, kurys teik saglobuotys jau godim.

Jaunūs literatu škola “Tievanānu pavasars”

Projekta laikā Jaunviļānūs nu 6. leidz 9. juņam 2013. godā nūtyka jaunīšu apvuiceibys, seminars “Tievinānu pavasars”. Jaunīšim beja vareiba sasatikt ar dažaidim rokstūšim i pazeistamim autorim, lai kūpeigi vuiceitūs raksteit dažaidus tekstus. Jaunīši varieja pīsadaleit ari tradicionalajā dzejis lasejumu pasuokumā “Tievinānu pavasars”.