Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
Daugavpiļs apleicīnis literati i muzykanti byus SĀTĀ!
Categories: LgSC pasuokumi

Bīdreiba „Latgolys Studentu centrs” sadarbeibā ar kopejneicu SĀTA 15.decembrī, 15.00 reikoj literari muzykalū pasuokumu „Latgalīts latgalīšam draugs” ci LaLaDra. 

Pasuokums ir kai tradiceja jau caturtū godu Adventa laikā Daugavpiļs pusē. Īprīkš pasuokums nūtyka Raiņa sātā Berkenelī, bet itū godu  pasuokums nūtiks Daugavpiļs piļsātā.

Adventa laiks ir puordūmu laiks, lobu vuordu i gaideišonys laiks, deļ tam ari itūgod LaLaDra laikā latgalīšu literati i muzykanti duovuos sovim klauseituojim sirds vuordus i dzīsmes. Pasuokums  nūtiks ari ar labdareibys īvirzi – pasuokuma laikā varēs zīduot naudu Daugavpiļs Universitatis studentis Sintijis Allis operacejai Vuocejā, kab jei atgiutu veseleibu piec vieža slimeibys.

Ka ari Tev ir kū saceit, dzīduot, skaiteit ci grybi zīduot Sintejai Allei –  drūsai, svātdiņ (15.decembrī 15.00)  gaidom iz LaLaDra kopejneicā SĀTA (Vīneibys 17, Daugavpilī).

LgSC Daugavpiļs nūdaļa

LaLaDra_Daugavpilī

 

Pastuosti cytim!

Leidzeigī roksti:

Leave a Reply