Roksti rokstus latgaliski i atrūņ lobu dorbu!

Saisteibā ar Vaļsts izgleiteibys atteisteibys agenturys reikuotū pasuokumu cyklu „Karjeras nedēļa”, Daugovpils školānim beja īspieja apmeklēt dažaidys vītys, kas ir saisteitys ar medeju darbeibu. Vīna nu vītom iz kuru guojom izzynuot kū ta jaunuoku par žurnalistikys lītom beja bīdreiba „Latgolys Studentu centrs”. LgSC vaļdis prīkšsādātuoja Dagneja Bramane myusim stuostieja par bīdreibys darbeibu, portalu LaKuGa.lv i karjerys īspiejom, kū snādz dorbs bīdreibā.IMAG0281

Izzynuojom, ka bīdreibys bīdri ir aktivi jaunīši, kas dorbojās kulturys, volūdys i literaturys jūmā, taisa pasuokumus, roksta, realizej projektus. LgSC ir paleidziejusi daudzim juos bīdrym īgiut pīredzi i īrokstu CV, kas ir paleidziejs jim īsakuortuot jaunā dorba vītā. Kai stuosta Dagneja, bīdreiba snādz atbolstu jaunīšu mierķu sasnīgšonai i ir platforma, atspierīņa punkts, kab vuiceitūs dareit vysaiduokis lītys i realizēt sovys idejis.

„Latgalīšu Kulturys Gazeta” ir vīns nu pazeistamuokajim LgSC projektim, tys ir vīneigais portals pasaulē, kur vysys viests ir latgalīšu rokstu volūdā. Iz  itū breidi portala redaktore ir LgSC bīdre Vineta Vilcāne nu Reigys nūdales, tok rokstu raksteišonā ir īsaisteiti daudzi jaunīši nu Latgolys. Pasasokūt dorbam LaKuGa.lv, Vineta ir atroduse patstuoveigu dorbu, kas saisteits ar portala uztureišonu. LaKuGys lopā ir vairuokys sadalis – par muzyku, literaturu, muokslu i kinom, par volūdys vaicojumim, kai ari ir nūtikšonu kalendars, kur ir jaunuokuos viests par pasuokumim, kuri koč kaidā veidā ir saisteiti ar Latgolu ci latgalīšim.

Pīrokstūt rokstu par Latgolys viesturi, kulturu, tradicejom, nūtikšonom i aizsyutūt iz e-posta adresi info@lakuga.lv, portala veiduošonā var pīsadaleit kotrs cylvāks. Iz itū breidi mainuos portala dorba sastuovs i teik maklāti jauni interesenti, kas lobpruot grybātu īsasaisteit portala veiduošonā. LgSC biroji atsarūn Daugovpilī, Reigā, Jelgovā, Rēzeknē (kontaktus var atrast: lgsc.lv/kontakti/). Atejūt iz birojim, var izzynuot vaira par īspieju dorbuotīs bīdreibā i struduot portala uztureišonā.

Taipoš LgSC aicynoj apmeklēt dažaidus kulturys pasuokumus, kuri nūteik bīdreibu nūdaļuos i pīsadaleit projektūs.

 

Daugovpiļs jaunīši

Pastuosti cytim!

Leave a Reply

Your email address will not be published.

This site is protected by reCAPTCHA and the Google Privacy Policy and Terms of Service apply.