“Čaja kauss 2013” atrods saiminīkus

18. septembrī nūtyka ikgadejais LgSC Reigys biroja reikuotais pasuocīņs “Pyparmātru čaja kauss”. Tys ītver atraktivys fotoorientiešonuos saceņseibys Reigys centrā jaunajim i asūšajim studentim. Pasuocīnī pīsadalieja sirdī eisti latgalīši i taidi, kam vīnkuorši pateik latgalīšu jestrais gors. Dalinīkus sagaidieja dažaidi aizdavumi, par pīmāru, Latgolys muzykys atpazeišona, biļdiešonuos pi dažaidim objektim, kai ari tradicionalais liecīņs ar maisim. Īpaši jautra saguoja dažaidu Latgolys apvydvuordu skaidruošona. Hortikulturists nu duorznīka kliva gon par vysdzāruoju, gon dirigentu, a valna pauti, kas patīseibā ir drigenis,  par cīši lelom ūlom. 🙂  Piec seivuos ceinis Pyparmātru čaja kausu šūgod īgiva komanda ar nūsaukumu “Žiks”, kuru puorstuovieja Ēriks i Jurs.  Pasuokuma nūslāgumā dalinīki daliejās sovūs īspaidūs pi čaja kruškys Tonis birojā.

 

Elvija, LgSC Reigys birojs

Nu a vaira verīs karteņuos!