Rss Feed Tweeter button Facebook button Youtube button
Latgolys Studentu centrs
Kai paguoja Latgalīšu nedele Jelgovā
Categories: LgSC pasuokumi

Dzaltonuos kūku lopys, kurys zeme jem sovā kliepī, līcynoj na tikai par jaunuo vuiceibu/studeju goda suokumu, bet ari par akteivuoku bīdreibu darbeibu. Tai nūtics i Jelgovā! Latgolys studentu centrs piec vosorys otkon ir suocs sovu darbeibu ar jaunu sporu!

Lai tī, kas vēļ nikuo nav dzierdiejuši par LgSC, izzynuotu, kas mēs asam i kū doram, 17. septembrī Jelgovā nūtyka izgleitojūšais seminars par LgSC (gon par bīdreibu kūpumā, gon par tū, kū goda laikā ir paveics tīši Jelgovys birojs). Piec tam visi kluotesūšī, dzardami čaju ar capumim, kūpeigi vērēs kinu „Latgale – trīs stāsti”. Šymā vokorā aktivitate nu svešim cylvākim beja leluoka kai porosti. Pasuocīni apmeklieja pat katuoļu prīsters i muosa.

Bet nuokušajā dīnā, 18. septembrī, mes reikuojam foto orientiešonūs „Īpazeisti Jelgovu”. Daleibnīkim tyka īdūtays kartis, ar atzeimuotim kontrolpunktim, kur atsarūn objekts, ar kuru juonūfotografejās. Bet pošu objektu fragmenti beja nūbyldāti i izprintāti iz atsevišķas lopys, kūpā ar mozu aprokstu par konkrētū vītu latgalīšu volūdā. Šymā pasuocīnī gon aktivitate nabeja tik lela, kai carāts. Bet dīzgon likumsakariegi, jū tymā nedelī kotru dīnu leja leits, bet tajā laikā, kod nūtyka orientiešonuos, leits leja eipaši stypri, ka daleibnīki finišejūt beja izmierkuši leidz pādejai veileitei, bet, kas prīcej – smaideigi! Jī atzyna, ka pasuocīņs beja jautrs i interesants.

Tai i paguoja latgalīšu nedele Jelgovā. Cerams uzrunuotī latgalīši, kuri vēļ nav LgSC bīdri, klius par taidim i nuokušūs pasuocīņus mes reikuosim vēļ kupluokā skaitā!

Jelgovys LgSC birojs

Pastuosti cytim!

Leidzeigī roksti:

Leave a Reply