Voi tu esi eists latgalīts? Info dīna RA

Taišni ar itaidu saukli – voi tu esi eists latgalīts, Rēzeknis Augstškolys Info dīnā (11.aprelī) startieja ari “Latgolys Studentu centra” Rēzeknis birojs, pīduovojūt četrys dažaidys stacejis ar aizdavumim, kuru veiksmeiga izpiļde aplīcynoj dalinīka spieji byut par eistinu latgalīti. Tyka gon papyldynuotys jau asūšuos zynuošonys, gon īsavuiceits koč kas jauns. Dalinīki atjaunuoja pamatškolys geografejis zynuošonys, raugūt salikt pareizā kuorteibā Latgolys nūvodus, tai izveidojūt vysu lelū Latgolys nūvoda karti, vuiciejās jaunus vuordus nu Valentina Lukaševiča vuordineicys, uzzynova, kur ir latgaliskuokuos Rēzeknis vītys i, līkūt lītā matematiskuos zynuošonys, izriekinuoja, cik cementa maisu bejs vajadzeigs, lai izveiduotu Latgolys Muorys pamatni. Piec aizdavumu veikšonys dalinīki sajēme aplīcynuojumus, ka niu jī ir tīseigi sevi atzeit par eistynim latgalīšim i taipoš var kliut par “Latgolys Studenu centra” bīdrim.

Ticīs, ka īgiutuos zynuošonys vēļ koč iz breidi paliks pruotā!

LgSC Rēzeknis biroja vadeituoja
Laura Stepiņa