Tyvojās Andrejdīna

Par speiti voi par laimi, tok laikam pateik mest burbuļus. Sacēsim tai, ka Andrejdīna ir vīna nu tim. Kaids sacēs – zīpu muons, a cyts – eistuokais senču tradiceju krysta punkts, krystcelis. Storp rudeni i zīmu, vacim i jaunim, dzeivim i myrušim, folkloru tod i folkloru tagad.

30. novembrī sešūs vokorā Rēzeknis Augstškolā (Atbreivuošonys alejā 90) gaidieti vysi, kas grib pīsadaleit īrostajā literārajā kabarē* (voi vīnkuorši pasēdēt maleņā), tī, kas grib īsasaistiet vysaiduos spieļu i meikļu puorvieteibuos (voi tikpat klusi, kai atguojuši, ari aizīt). Vokors sūlās byut folkloriskuoks nakai parosts, partū ka tuo pamats ir Cyblys meiklis. Atrostys folklorys praksē, īraksteitys diskā ci vīnkuorši puorsavārtušys spēlē i jūkā.

Pasuokuma gaitā īspiejama virtuala īsapazeišona ar jauna folklorys īrokstu cikla ideju, veiduotuojim i tuoluokajim mierkim. Ka naesi slynks, nūdūd ziņu tuoļuok. Ka esi slynks, vīnkuorši – esi.

Ilga Šuplinska

*Literarais kabarē, kai īrosts, 3-5 min. Rokstit, ka gotovi pīsadalēt: ilga13[iz]inbox.lv

Pastuosti cytim!

Leave a Reply

Your email address will not be published.

This site is protected by reCAPTCHA and the Google Privacy Policy and Terms of Service apply.