Tonis biroja vuorda dīna

Vasali adventa laikā!

Lai ari ir puordūmu i svātku gaideišonys laiks, kuram puorejī svātki teik pakuortuoti, šudiņ (pyrmudinē, 7. decembrī) kalendars viestej, ka vuorda svātkus svietej Antonejis, taitod ari Tonis.

LgSC Reigys birojs jau vaira kai godu sovejūs vydā teik dāvāts vīnkuorši par Tonis biroju. 🙂 (Adress Antonejis īla 8-3/6.)

Tai kai parosti iz vuorda dīnom gostūs naprosa, nav nikaida dižuo īlyuguma. Vīnkuorši līc aiz auss, ka šudiņ esi gaideits birojā, suocūt nu 17.00 stuņžu. Mauc kuojis i eimi gostūs. Byus čajs voi kopejs i peirāgs (sipisnīka i uobuļu).

Paguojušajā ūtardinē tyka sastuodeits ari duovonu saroksts, tok leidz publiskuošonai tai ari nav tics… Golvonuos duovonys – Tovs smaids, lobi vuordi i koč kas garšeigs. Ateimi gostūs i esi pats par duovonu!

Vālamys praktiskys kruosys zečis. 😉
Iz sasatikšonu!
Vita

P. S.  Beidzūt ir sataiseitys nūzeimeitis ar LgSC logo. Pīejamys Tonis birojā.

Pastuosti cytim!

Leave a Reply

Your email address will not be published.

This site is protected by reCAPTCHA and the Google Privacy Policy and Terms of Service apply.