Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
Studiņs 2010

Izsuokūt studejis dyžanuos i augstuos školuos, eistynam studentam sātā palicieji leidza saryupej dažaidus lauku lobumus i tim, kas atbrauc iz Reigu nu Latvejis austrumu pusis, nav svešs ari taids ar mīlesteibu gataveits iedīņs kai studiņs, kū cytur saukoj par soltū gali. Latgolā studiņa pagataveišonai ir sana viesture – taipat kai braukšonai studēt iz Reigu.

Itūgod obejis lītys teik apvīnuotys muzykalā pīdzeivuojumā – studentu festivalā „Studiņs 2010”, atvadūt iz Reigu koč kū sovu i reizē sateikūt ari kaidu itepoš iz vītys. Muzykalī lustynuotuoji – kustynuotuoji:

„Dabasu Durovys” – latgalīšu pozitivais roks i nadzīstūšuo piparmātru čaja nu Daugavpiļs!

„ak69” – Reigā satikta, nu latgalīšim draudzeigi i zynoma grupa ar izceļsmi nu Bauskys pusis. Maineigi namaineigi skaneigī.

„Sovvaļnīks” – Pats sevī dzeivs i vysu vieju atpyusts nu Rēzeknis iz Reigu. Muzykali drupeit smoguoks skatiejums iz Latgolys smeļdzi.

„Green Novice” – Matinoj latgaliski. Matinoj pasmogi i nu vysys sirds, bet tici ci nā – īdvasmu rūn nu tautys muzykys. Kai smejīs – vyss smogums nu Preiļim!

„New Buzz” – Rēzeknis rok-pīskandynuotuoji niu skandēs vēļ vīnā nu Reigys koktim!

„Crust” – auškomceļšonuos ir nūtikuse! Tev byus ļauts jūs otkon apsavērt/pasaklauseit pavysom dzeivā variantā! Jī tī, kas nu Varakļuonu.

Danču placī – Līvānu diskō: Mixmeistars Raitis(live) un DJ Romantronix

Paralelai gurnu kustynuošonai dzeivuos muzykys i dzeiva DJ pavadiejumā, drupeit nostaļgejis i studiņa – nu vysa pa gobolam vīnā prīcā!

Sasatikšonuos vīta jau ar pyrmū reizi namaineiga: klubs NABAKLAB 16. septembrī 22:00! Nazynuotuojim – Z.A.Meierovica buļvars 12, natuoļ nu trejom zvaigznem.

Studiņa vuoreituoji: Latgolys Studentu centrs
Vaira dazynuošonai: https://lgsc.lv

Nūdava pi īejis: 2,50 LVL

Studentim, školānim: 2,00 LVL

Ar atlaižu kuponu (varēs dabuot, aizeimūt iz kaidu nu puorejim Latgolys Studentu nedelis pasuocīnim): 1,50 LVL

Pastuosti cytim!

Leidzeigī roksti:

Leave a Reply