Puorguojīns Preiļu apleicīnī, 27. – 28. augusts

27. i 28. augustā „Latgolys Studentu centrs” i „Latvejis Aizsorgu organizaceja” reikoj puorguojīni Preiļu apleicīnī i aicinoj Tevi izzynuot Latveju, izbaudeit juos dobys skaistumu, īpazeit Latgolys ainovu i labi pavadiet laiku.

Maršruts: Leivuoni – Preiļi – Šaripovka – Preiļi

Nakšņuošona: lauku sātā, ka daudz dalinīku, tod arī teltīs.

Aptuvenuos izmoksys par apskatis objektim: ~ Ls 3,5

Sasatikšonys vīta: 27. augusts, Leivuonu dzelzceļa staceja, plkst. 10:15. Ir īspieja dīnys ūtrajā pusē dasavīnuot Preiļūs.

 

Kai datikt? Nu Reigys: ar viļcīni Reiga – Daugovpiļs, atīt 7:32

Nu Preiļim: ar autobusu Preiļi – Leivuoni, atīt 8:50

 

Apskatis objekti: „Latgolys muokslys i omotnīceibys centrs”, Leivuonu HES, Leivuonu pareizticeigūs, luterāņu i katūļu bazneicys, Leivuonu stykla muzejs, Leivuonu atbreivuošonys pīmineklis, grāfu Borhu dzymtys muižys apbyuvis komplekss ar parku, Preiļu katūļu bazneica, „Preiļu viesturis i lītišķos mokslys muzejs” Preiļu vacticeibnīku lyugšonu noms, pīminis akmiņs Ignatam Bečam, Ebreju kopi, Pilišķu piskolns ui.c.

 

Pusnaktī breivdobys kinys seanss. Byus īspieja nūsamauduot gon prūdā, gon azarā, izbraukt ar laivu i īīt malnajā piertī.

 

Dasasaceit da 24. augusta pi Vinetys Vilcānis (vineta@lgsc.lv; 26149207)

Pastuosti cytim!

3 Replies to “Puorguojīns Preiļu apleicīnī, 27. – 28. augusts”

  1. itys lobs! tik ka izaklausa, ka daudzi juoīt.. gondreiž kai svātceļuojumā. tūs, kas navarēs paīt, kaids paness? 😀

  2. Leluokuo īšona byus nu Preiļim da Šaripovkai, aptuveni 15 km, tū pošu gobolu svātdinē arī atpakaļ. Nu Leivuonim da Preiļim – ar autobusu.

Leave a Reply

Your email address will not be published.

This site is protected by reCAPTCHA and the Google Privacy Policy and Terms of Service apply.