Portals lakuga.lv sajiems Medeju atbolsta fonda finansiejumu
Bīdreiba “Latgolys Studentu centrs” sajāmuse atbolstu tuos uzturātuo medeja “Latgalīšu kulturys ziņu portals lakuga.lv” darbeibys nūdrūsynuošonai Regionalūs i vītejūs medeju atbolsta programā 2020. godam.
Projekts “Latgales kultūrtelpa: problēmas, analīze un atspoguļojums portālā lakuga.lv” styprynuos i atteisteis Latgolys kulturys telpu, rodūt saturu portalā lakuga.lv, taidā veidā regiona īdzeivuotuojūs veicynojūt patriotismu i pīdereibys sajiutu latvyskajai kulturtelpai.
Rokstu serejuos tiks atspīgeluoti vaļsts i pošvaļdeibu amatpersonu vīdūkli par Latgolys kulturpolitikys i cytim vaicuojumim, latgalīšu volūdys lītuojumu, pieteits Latgolys tāls, par latgalīšim asūšī stereotipi vairuoku desmitgažu garumā, atkluoti latgalīšu pīredzis stuosti Latvejā i vysā pasaulī.
Regionalūs i vītejūs medeju atbolsta programu administrej Sabīdreibys integracejis fonds. LgSC eistynuotuo projekta finansiejums sajimts kategorejā “Latgales plānošanas reģiona sabiedriski politisko, sociālekonomisko un kultūras procesu analīze” rokstu sereju sagataveišonai. Projekts teik eistynuots periodā nu 2020. gods maja da decembra.