Portals lakuga.lv par latgaliskū kulturu viesteis ar VKKF atbolstu

“Latgalīšu kulturys ziņu portals lakuga.lv” kas dīnys viestej par latgaliskū kulturu Latvejā i pasaulī. Tys da šam ir vīneigais medejs, kura saturs teik sagataveits tikai latgalīšu rokstu volūdā – viesturiskā latvīšu volūdys paveidā. Portalam lakuga.lv ir lela nūzeime na viņ latgalīšu volūdys, bet ari latgaliskuos identitatis saglobuošonā.

Portalā lakuga.lv var skaiteit par latgaliskuos kulturys aktualitatem, jaunumim muzykā, literaturā, muokslā i cytuos jūmuos. Lakuga.lv pīduovoj izzynuot par Latgolys viesturē zeimeigom personeibom i nūtikšonom, intervejuos īpazeit spylgtys personeibys, kai ari aktualizej vaicuojumu par latgalīšu volūdys izmontuošonu dažaiduos jūmuos.

Lakuga.lv saturs ir saistūšs na tikai Latvejis īdzeivuotuojim, tok latgaliskuos kulturys interesentim vysā pasaulī. “Latgalīšu kulturys ziņu portals lakuga.lv” dorbojās jau nu 2007. gods. Portala darbeibu pyrmajūs četrūs 2020. goda mienešūs atbaļsteis Vaļsts Kulturkapitala fonds.