Originalais “Ontans i Anne” Reigā

Bīdreiba “Latgolys Studentu centrs” 17. decembrī 16:00 aicynoj iz ilgi carātū i beidzūt sareikuotū Baļtinovys amatīrteatra “Palādas” vīsizruodi Reigā – Latvejis Universitatis Humanitarūs zynuotņu fakultatē Visvalža īlā 4a, 401. ustobā (zalā, 4. stuovā). Īeja bez moksys. Izruodis garums pusūtra stuņde.

Pasuocīni reikoj LU Huminitarūs zynuotņu fakultate sadarbeibā ar bīdreibu “Latgolys Studentu centrs”. Izruode nūtiks LU doktorantu školys “Letonika i storpkulturu pietejumi” seminara “Latgola.LV: volūdiskī, viesturiskī, filozofiskī i pedagogiskī aspekti Baļtinovys amatīrteatra uzvadumā “Ontans i Anne”” ītvorūs.

Vaira par doktoranu školu: http://www.lu.lv/studentiem/studijas/limeni/doktorantura/skolas/letonika/.

Piec izruodis seminars-diskuseja, kas paradzāts tikai doktorantu školys studentim i kū vadeis teatra zynuotneica prof. Silvija Radzobe i literaturzynuotneica i folkloriste prof. Janīna Kursīte.

“Ontana i Annis” ceļuojums iz Reigu ir seņa LgSC ideja, kab ari reidzinīki radzātu vysā Latgolā meiļuotū i skaiteitū izruodi, kū vītejī sauc par Baļtinovys serialu. Baļtinovīši pīktdiņ nu vysom septeņom serejom ruodeis seriala ūtrū dali “Kuozu goda jubileja”.

Pasasokūt baļtinovīšu “Ontans i Anne”, tāņ Latvejis Nacionalajā teatrī skotoms ituos sezonys hits “Latgola.LV” (http://teatris.lv/lv/izrades/liela-zale/latgola-lv ), kurymā izmontuotys treis amatīrteatra izruodis dalis.

 

Aicynom atīt i nūsavērt izruodi, deļ tuo, ka tys, kas labi izasmiejs vēļ vacā godā, tam nikaida Jaunuo goda krīze naškodēs!

Byus ari LgSC latgalīšu gruomotu golds, kurymā atrūnomys dažaidu apguodu gruomotys i muzykys diski (pīduovuojumu var papēteit ite: https://lgsc.lv/gruomotys/ ) – loba īspieja īsaguoduot izdavumus, kas Reigā reši atrūnomi i var nūderēt kaidai eipašai Zīmyssvātku duovonai.

 

LU HZF meklej ite:

Kartenis nu izruodis “Ontans i Anne” Baļtinovā.