Nasteidzeigs nedeļgols “Bondarūs”. 2. sezona

Pārņ tai īpasatyka, ka i itū vosoru gribim aizvadeit ar nedeļgolu, kurā golvonajā lūmā ir nasasteigšona, kuo ta jauna izzynuošona, sarunys, ideju pakustynuošona i kūpā byušona lauku sātā “Bondari”.

Programā: nasteidzeigys sarunys, diskusejis, rodūšys darbneicys (vysi dalinīki aicynuoti ari poši eistynuot kaidu aktivitati, ka ir taida gribiešona), ēst taiseišona svaigā gaisā i daņči.

Suokums 14.00, bet drūsai var pīsavīnuot ari piečuok.

Nakšņuošona: lauku sātā ir vareiba palikt 10 cylvākim (6 gultys, puorejī iz matraču), uorā var palikt sovā teļtī.

Leidza: grūzeņš kūpejam goldam. Sātys saimineica Regita sūlej pacīnuot ar putru.

Obligata dasasaceišona pa e-postu lgsc@lgsc.lv (vītu skaits īrūbežuots) da 25. augusta.

Pasuokumu organizej latgalīšu kulturys kusteiba “Volūda” i tuo mierkis ir bīdru sasatikšona i lobuoka īpasazeišona, tok prīcuosimēs, ka “Volūdys” kustynuotuoju vydā uzjimt ari cytus i kūpā paļustēt.

Īsavieršona pārnejuo gods nūtikšonā ite: