Muzykys Skrytuļs

Piec treju godu klusiešonys itymā vosorā 16.julī Daugovpiļs nūvoda Leiksnā otkon nūtiks visim tik labi īpazeitais myusu dīnu latgaliskuos muzykys festivals “Muzykys Skrytuļs”.

Daleibu pasuokumā pīsacejuse popularuo grupa “Dabasu Durovys” i pādejuo laika atzeituokais latgalīšu muzykants Sovvaļnīks, kai ari „Green Novice”, „Metrs”, Eriņu-Vorkaļu saime, „Krampis”, „Inlay”, „Afterdream”, „D-Light”, kai ari vokora koncertā pīsadaleis Guntra Kuzmina, „Elēģija”, Brigita Madelāne, Aņss Ataols Bierzeņš, „Nagaidama Prīca”, „Knifs”, „Rikši” i gosti nu Lītovys. Piec visim koncertim i uzastuošonom zaļumbals da reitam. Pasuokumā daleiba bez moksys!

Jauni i pīredzi pīlasejuši muokslinīki vīnā latgalīšu muzykys festivalā. Kai visim zynoms, tod vosora ir eisa i visi rauga pagiut sareikuot sovu pasuokumu, tod festivala “Muzykys Skrytuļs” organizatori aicynoj vysus latgalīšus sovūs kalendarūs i planavuotuojūs atzeimēt ituos vosorys juļa 16.datumu i napalaist garam pasuokumu, kū vysa Latgola gaidejuse nu jau četrus godus!

Sasateikom 16.julī Daugavpiļs nūvoda Leiksnā, suokums pīcuos stuņdēs vokorā.

Jaunuos latgalīšu muzykys festivals „Muzykys Skrytuļs” pyrmū reizi nūtyka 2005.godā un turpynova veiksmeigi rypuot ari 2006. i 2007. godā. Piec dažu godu puortraukuma festivals atsagrīž, lai saglobojūt i popularizejūt latgaliskū identitati, veicynuotu jaunu dzīsmu radeišonu latgaliski. Ari itymā godā byus īspieja saīt kūpā gon jaunim, gon atpazeistameibu īgivušim muzykantim, kuri dažaidūs žanrūs roda jaunys dzīsmes latgaliski un kuri sagloboj latgalīšu tradicionalū muzyku, izmontojūt myusdīnu aranžiejumu īspiejis.

Festivalu „Muzykys Skrytuļs 2011” reikoj Daugavpiļs nūvoda kulturys puorvaļde, Leiksnys pogosta puorvaļde, finansiali atbolsta Latvejis-Lītovys puorrūbežu sadarbeibys projekts „Summer in Village”. Informativī atbaļsteituoji: Latgolys Radeja, Latgolys Regionaluo televizeja, laikroksts „Latgales Laiks” i portals LaKuGa.LV