Maja ūtrys pusis kalenders Tovam dīnys grafikam

Nūdereiga informaceja Tovam dīnys grafikam i iņteresem par Latgolys studentu aktivitatem maja ūtrā pusē! Volejbols, dzīsmis, fiļceišona, tematiskī vokori, diskusejis, pasuokumu planavuošona – tys vyss maņ, Tev i myusim vysim vēļ juopagiust majā!

19. majā

Reigā: Atguodynuojums par pīduovuojumu īt spieļuot volejbolu! Šudiņ nu 18 leidz 20 Reigā, Moskovys īlā 197. Kartu i vaira informacejis atrassi ite:

Kūpeiguo izbraukšona nu centra teik organizāta ar 17:40 nu 7. tramvaja pīturys “Nacionālā Opera” vierzīnī iz Ķengaragu.

Rēzeknē: 18.00 Anna turpynuos vadiet tematiskūs vokorus par storpkulturu attīceibom. Vīta: Atbreivuošonys aleja 115-313.kab. Vaira dazynuošonai vaicuot iz e-postu lgsc-rezekne@inbox.lv

20. majā

Reigā: 18:30 Tonis birojā vosorys īskandynuošona! Muzykali dzīšmuots vokors ar pavasareigu i vasareigu dzīšmu sadzīduošonu latgalīšu, latvīšu i cytu volūdu mēlēs i dzīšmuota saceņseibys gora treniešonu! Pīduovuojumā pi dzīsmem čajs i limonads. Varbyut ir kaids ar gitaru, kam reitvokors breivs? 😉

25. majā

Reigā: 18:00 Pozitivūs ideju tolka – pikniks Vērmanis duorzā! Dorba kuorteibā:

  • idejis brīdinuošona festivalam “Positivus” (ir izsludynuots ideju konkurss par NVO daleibu festivalā – uzvarātuojim – bezmoksys īeja);
  • ideju kaldynuošona latgalīšu studentu nedeļai Reigā

Sasatikšona voi nu 17:45 Tonis birojā i kūpeigs guojīņs iz Vērmanis duorzu voi 18:00 pi vuortu, kas preteimā LU golvonai ākai. Leidza juojam kaida svīksta maize i lokots ci kisins siediešonai.

Rēzeknē: 17.00 vylnys veļšonys vokors. Omotu īruodeis Dagneja. Vaira dazynuošonai vaicuot iz e-postu lgsc-rezekne@inbox.lv

26. majā

Reigā: ka testa volejbola treneņš byus izadevs, tod turpynuosam tū pošu dareit ari piec nedelis! 😉

ATCALTS!!! 27. majā

Reigā: mieneša pādejuo caturtdīne i latgalīši sasateik folklubā “Ala”! Sarunys, spēlis i dzīsmis pi ola kausa ci čaja kruškys! Suokums 20:00. Kotra mieneša pādejuo catutrdīne varātum byut taida draudzeiga latgalīšu sasatikšona naformalā atmosferā, kab izzynuotu, kai īt, sasapazeitu, dabuotu jaunus kontaktus i.t.t.  Vaira par folkklubu: http://folkklubs.lv/

Pastuosti cytim!

Leave a Reply

Your email address will not be published. Required fields are marked *

This site is protected by reCAPTCHA and the Google Privacy Policy and Terms of Service apply.