Ideju tolka i vardivis

Atguodynuojumam, ka šudiņ Reigā 18:00 Pozitivūs ideju tolka!

Tai kai leits šudiņdīnā ir īvīss zynomys korekcejis paradzātajā piknikā, tod pīduovuojums 18:00 sasatikt Tonis birojā i tod viertīs piec laikapstuoklim i gribeišonys – kur i kai īt piec tom. Varbyut leita vaira nabyus i speidēs saule i vys tik varēsim īt iz Viermaņduorzu, varbyut patvārumu (pīsaturūt piknika idejai) var pīduovuot kaida nu Reigys uora kopejneicom – tū tod izlemsim iz vītys!

Ideju tolkys dorba kuorteibā:

  • idejis brīdinuošona festivalam “Positivus” (ir izsludynuots ideju konkurss par NVO daleibu festivalā – izvarātuojim – bezmoksys īeja, vaira informacejis: http://www.nvo.lv/news.php?id=21&newsid=2060&lang=lv);
  • ideju kaldynuošona latgalīšu studentu nedeļai Reigā, kas paradzāta septembrī kai dažaidu pasuocīņu sereja;

Tai kai vīna nu Tonis birojam tyvejom uora kopejneicom ir ar nūsaukumu “Lidojūšuo vardive” tod Egita itai situacejai par gūdu pīduovoj juos babys meiluokū aili (autors nav zynoms):

“Iz vacim okys syrūbim

Siež posnim byudim vardive,

Tei skumst par draugu rupuci,

Kas karā krits pret buržujim.”

Koč ari saturiski tragisks gobols, nu komplektā ar Egitys babu asūt dyžan jautrs!

Ka gadejumā nateic iz suoku, tod paleidzeibys lineja 29509672 tolkys dislokacejis vītys nūskaidruošonai – Tovā reiceibā!

Pastuosti cytim!

Leave a Reply

Your email address will not be published. Required fields are marked *

This site is protected by reCAPTCHA and the Google Privacy Policy and Terms of Service apply.