Kai mes doncuom Rēzeknē
Catūrtdiņ 18.aprelī, Rēzeknis Radūšū Pakolpuojumu centrā „Zeimuļs” Latgolys Studentu centra Rēzeknis nūdalis jaunuotne cīšā sadarbeibā ar folklorys draugu kūpu „Vīteri” organizieja latgalīšu daņču vokoru. Itei nūtikšona pamatā tyka baļsteita iz Rēzeknis Augstškolys apmainis programys Erasmus studentu īsaisteišonu. Rēzeknī īspiejams nav tik daudz atpyutys īspieju, cik grybātūs, ituo īmesla deļ, tyka sadūmuota drupeit atraktiva i aktiva nūdarbeiba par prīcu gon sev, gon cytim.
Leluokuo bolva sev pošym beja labi pavadeitais laiks, kai ari uorzemju studentu atsauceiba i prīca par īspieju pasavuceit latgalīšu daņčus. Bez tuo, tei ir lelyska īspieja īsapazeit ar cytu tauteibu puorstuovjim, paplašynuot sovu redzīni, prūtams ari īgiut jaunus draugus.
Tai ruodīs, ka itys nabyus vīneigais itaida veida vokors, deļtuo sekojit leidza informacejai, ka izadūsīs kai īcerāts, tod varbyut myusim byus īspieja ari pošym pasavuiceit – gon bulgaru, gon lītaunīku, gon cytu tautu nacionaluos dejis.
Rēzeknis birojs
