Rss Feed Tweeter button Facebook button Youtube button
Latgolys Studentu centrs
Īd[k]uordynuosim pavasari ar smīklim
Categories: LgSC pasuokumi

Kab ar smīklim īskandynuotu pavasari i īleiksmuotu sirdi, bīdreibys „Latgolys Studentu centrs” Reigys kūpa 23. aprelī svieteis Jura dīnu i 19:00 stuņdēs kopejneicā „Leningrad”, Kalieju īlā 54, reikuos latgalīšu anekdotu stuosteišonys turniru „Īd[k]uordynuosim pavasari ar smīklim”.

Pasuokumā pīsadaleis latgalīšu anekdotu krysttāvs i ābeču kolekcionars Jurs Cybuļs. Sovulaik kūpā ar Juoni Ločmeli jis ir izdevs gruomotu „Īdzer veina, lai dzeive byutu feina!” Byus ari cyti Juri i cyti anekdošu stuosteituoji.

Ka esi Jurs ci zyni kaidu smīkleigu stuostu latgaliski, ej iz anekdošu turniru īduordynuot pavasari. Stuosteit grybātuojus organizatori prosa da 22. apreļa pīsasaceit pa e-postu reiga@lgsc.lv ci pyrms pasuokuma kopejneicā „Leningrad”.

Anekdošu turnirs nūtiks vairuokuos kuortuos, deļtam der padūmuot par dažaidys tematikys anekdotim. Lobuokajim stuosteituojim paradzātys bolvys. Pasuokumā meili gaideiti byus na tikai stuosteituoji, bet ari jūku klauseituoji i smiejieji.


d[k]uordynuosim_pavasari_ar_sm__klim_web

 

Pastuosti cytim!

Leidzeigī roksti:

Leave a Reply