Rss Feed Tweeter button Facebook button Youtube button
Latgolys Studentu centrs
Jelgovā ļustej kūpā ar “Rikšim”
Categories: LgSC pasuokumi

12.aprelī, pīktdīnys vokorā Jelgovys LgSC biroja jaunīši sareikuoja pasuokumu ar izklaidējūšu pīsitīni i ar postfolklorys grupys „Rikši” leidzdaleibu.

Suokumā ikvīns interesents varēja jimt daleibu intervejā ar „Rikšim” i izzynuot kū vairuok par šū muzykys grupu. Prīks, ka jaunī muokslinīki aktivi īzasaistieja sarunā i pastuostieja daudz interesantu faktu par sevi. Kai grupa jī kūpā ir jau 2 godus i ir uzastuojušīs naskaitamūs koncertūs gon Latvejā, gon uorzemēs, kūpā pīdzeivuodami daudzus kuriozus. “Rikši” ir nūpītni nūskaņuoti turpynuot dorbuotīs i pilnveiduotīs. Atkluoja ari, ka nuokušajā godā pat plānoj izlaist sovu debejis albumu.

Dzīsmis jim saīt izpiļdeit cīši labi, par kū ikvīns grybātuojs vokorā varēja puorsalīcynuot, kod „Rikši” uzastuoja „Melno cepurīšu balerijā” i snīdza klauseituojim pozitivu lādeņu, dzīduodami latgalīšu, latvīšu, boltkrīvu i čehu tautysdzīsmis.

Gandariejums ir lels, kod pošim prīks par padareitū dorbu, bet vēļ lobuok ir tod, kod vysi puorejī i ari muokslinīki ir apmīrynuoti. Tai beja ari itymā gadiejumā! Par tū drūši varam gaideit, kod „Rikši” otkon atbrauks iz Jelgovu, kuops iz skatuvis i prīcēs myusus . Paļdis!

 

Jelgovys biroja jaunīši

 

Puors biļdis, kai tys vyss nūtyka:

bilde_016

bilde_018

bilde_032

Pastuosti cytim!

Leidzeigī roksti:

Leave a Reply