Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
“Vālais rudiņs” i Gruomotu svātki

Ituos nedelis golā nu 5. leidz 7. novembrim Latgolys Studentu centrs pīsadola Reigys Gruomotu svātkūs Kongresu nomā, pīduovojū interesentim īsaguoduot daudz i dažaidys gruomotys i īrokstus nu latgalīšu literaturys i muzykys izdeviejim. Gruomotu svātku dorba laiks:

5. novembrī 11.00 – 19.00

6. novembrī 10.00 – 19.00

7. novembrī 10.00 – 16.00

Gruomotu svātku laikā 6. novembrī 17.00 Kongresu noma 301. auditorejā nūtyks latgalīšu literaturys skaitiejumu vokors “Vālais rudiņs”, kas ir pyrmais dzejis i prozys skaitiejumu vokors nu cikla “Cyti godalaiki”. Literaturys skaitiejumu cikls turpynuosīs leidz martam – “Dziļuo zīma” paradzāts janvarī, bet martā nu kupanom latgalīšu literaturys cīneituojus mūdynuos “Agrais pavasars”.

6. novembrī ar sovim dorbim pīsadaleis Ontons Slišāns, kam itūgod izguojs eseju kruojums “Čipierksneits”, Valentins Lukaševičs, kas sagataviejs izdūšonai jaunu aiļu kruojumu, Raibīs Suņs, kas dreižumā izdūs prozys kruojumu “Pyrma syltī”, kai ari Anna Rancāne, Juoņs Ryučāns  i Ilze Sperga. Muzykali klauseituojus prīcēs latgalīšu muzyki Verners Martinovs (“Restauratori) i Guntis Rasims (“Bez PVN”).

Pastuosti cytim!

Leidzeigī roksti:

Leave a Reply