Diskuseja-saruna par tū, kaida byus literatura reit
Nu 30. juļa da 3. augusta Rēzeknis nūvoda Rogovkā nūteik latgalīšu volūdys i kulturys kursi “Vosoruošona”, kurūs paraleli nūdarbeibom par latgalīšu rokstu volūdu, myusu dīnu kulturu i personeibys izaugsmi, nūteik ari cyti pasuokumi, kas veļteiti myusu dīnu latgalīšu kulturai. Iz vīnu nu taidu – diskuseju-sarunu par literaturu i jo eipaši latgalīšu literaturu myusdu dīnuos i iz prīšku – 1. augustā 21.00 stuņdēs aicynuots sevkurs interesents.
Kaida byus literaturys radeišona i skaiteišona reit? Voi muoksleigais intelekts padareis rakstnīku dorbu? Voi byus, kas roksta i skaita latgaliski? Ar kū nūsadorboj gruomotu blogeri? Kai padareit pīviļceiguoku skaiteišonu jau šudiņ? Iz itim vaicuojumim raudzeis atbiļdēt literate Annele Slišāne, literats i literaturzynuotnīks Valentins Lukaševičs, literaturzynuotneica Ilga Šuplinska, skaiteišonys viestnese Latgolā, gruomotu blogere i literate Inga Kaļva-Miņina, bet sarunu vierzeis Iveta Balčūne, Lūznovys muižys vadeituoja i aktiva gruomotu skaiteituoja.
![](https://lgsc.lv/wp-content/uploads/2023/08/Literatura-reit-1024x536.jpg)
Pasuokumā tiks biļdāts i fiļmāts, dabuotī materiali var tikt izmontuoti kursu “Vosoruošona” publicitatis vajadzeibom.
Papyldynuots (09.08.23.):
Ievys Puzirevskys atskots iz diskuseju-sarunu gazetā “Rēzeknes Vēstis” (2023. g. 8. augusta numerī)
![](https://lgsc.lv/wp-content/uploads/2023/08/Ieva-Puzirevska-Rezeknes-Vestis-Literatura-reit-582x1024.jpg)
Fotogalarejā: diskuseja “Literatura reit” Rogovkā, foto Amanda Anusāne
![](https://lgsc.lv/wp-content/uploads/2023/08/Vosoruosona_3.dina_Rogovka_foto_Amanda_Anusane-001-1024x683.jpg)
![](https://lgsc.lv/wp-content/uploads/2023/08/Vosoruosona_3.dina_Rogovka_foto_Amanda_Anusane-002-1024x683.jpg)
![](https://lgsc.lv/wp-content/uploads/2023/08/Vosoruosona_3.dina_Rogovka_foto_Amanda_Anusane-003-683x1024.jpg)
![](https://lgsc.lv/wp-content/uploads/2023/08/Vosoruosona_3.dina_Rogovka_foto_Amanda_Anusane-004-1024x683.jpg)
![](https://lgsc.lv/wp-content/uploads/2023/08/Vosoruosona_3.dina_Rogovka_foto_Amanda_Anusane-005-1024x683.jpg)
![](https://lgsc.lv/wp-content/uploads/2023/08/Vosoruosona_3.dina_Rogovka_foto_Amanda_Anusane-006-1024x683.jpg)
Latgalīšu volūdys i kulturys kursus “Vosoruošona 2023” reikoj Latgalīšu volūdys, literaturys i kulturviesturis školuotuoju asociaceja (LVLKŠA), latgalīšu kulturys kusteiba “Volūda” (bīdreiba “LgSC”) i Nautrānu vydsškola. Nūtikšonu finansiali atbolsta Sabīdreibys integracejis fonds nu Kulturys ministrejis daškiertūs Latvejis vaļsts budžeta leidzekļu, Latvīšu volūdys agentura, Rēzeknis nūvoda pošvaļdeiba i Nautrānu apvīneibys puorvaļde. Kursi nūteik projektā “Mozuok lītuotuos volūdys, leluos īspiejis. Sadarbeiba pietnīceibā, kūpīnu īsaisteišona i inovativi vuiceišonuos reiki (COLING Nr. 778384)”.