Aizvadeita folklorys kūpys “Ceidari” rodūšuo nūmetne
Apreļa vydā, 15. i 16. aprelī, Daugmalis pogosta “Malderūs” nūtyka folklorys kūpys “Ceidari” rodūšuo nūmetne. Folklorys kūpa dorbojās Reigā, apvīnojūt Reigā i tuos apleicīnē dzīduot grybūšus latgalīšus, i ituo gods majā kūpa svieteis jau 10 godu pastuoviešonys jubileju.
Nūmetnis golvonais aizdavums beja aktualuo repertuara – Bierzpiļs pusis dzīšmu izdzīduošona, kab tuos varātu kai īraksteit studejā i salikt digitalā albumā, tai izdzīduot svātku koncertā. Taipoš tyka ari individuali pastruoduots pi bolsu i muzykys instrumentu skaniejuma, izdzīduotys cytys daleibnīku meiluokuos dzīsmis, i īpazeita ari apleicīne i vītejī amatnīki – Pampāļu pūdu darbneica, Daugmalis Juoņa bišu mads i Malderu ierkškiežu produkceja.
Folklorys kūpa “Ceidari” pyrmū reizi saguoja iz mieginuojumu 2013. gods 21. majā, i nu tuo laika regulari dzīd kai sovai prīcai, reikoj koncertus, tai i pīsadola cytūs pasuokumūs (te var apsavērt 2022. gods uzastuošonu festivalā Baltica).
“Ceidaru” darbeibu i sapynu par Bierzpiļs dzīšmu īrokstu var atbaļsteit ar zīduojumu ITE. Folklorys kūpys daleibnīki dorbojās breivpruoteigi i kūpys vadeituojis atleidzeiba par dorbu ir kūpys daleibnīku leidzmoksuojumi.
