Folklorys kūpa “Ceidari” festivalā “Baltica 2022”. Koncerta video

Folklorys kūpa “Ceidari” festivalā “Baltica 2022”. Koncerta video

Bīdreibys “LgSC” folklorys kūpa “Ceidari” tikū pīsadaleja Storptautyskuo folklorys festivala “Baltica 2022”, nūtikšonuos, uzastuojūt koncertūs Reigā i Puopē.

“Ceidari” festivalā pīsadaleja diveju dīnu nūtikšonuos – 8. julī Reigā, pīsadolūt festivala koncertā Breiveibys laukumā i kūpā ar Daugmalis folklorys kūpu “Dāre” (obejom kūpom vadeituoja ir Marta Sīle) ari sasadzīduošonys daļā, i 9. julī Ventspiļs nūvoda Puopē, kur beja daņču programys dalinīki i ar divejom dzīsmem uzastuoja vokora koncertā.

Atguodynuosim, ka folklorys festivals “Baltica” teik organizāts jau nu 1987. goda i kasgadeji nūteik kaidā nu Baļtejis vaļstu. 2022. goda festivala tema ir “Spēle” i moto “Nāc ar mani spēlēties”. Itūgod festivalā vysplotuok byus puorstuovāta taišni Latgola. Vysaiduos festivala nūtikšonuos pīsadaleis 76 kolektivi nu Latgolys, Reigu i Reigys regionu puorstuovēs 35 kolektivi, kuru vydā ari “Ceidari”, Kūrzemi – 41 kolektivs, Vydzemi – 38, Zemgali – 29 i Sieleju – 3 kolektivi.

Īsavieršona “Ceidaru” uzastuošonā Reigā, Breiveibys laukumā 9. juļa koncertā. Skaņ dzīsmis “Zīdi, zīdi uora pļova”, “Vysu dīnu jumi dzynu”, “Dāds i buoba” i “Oruojs ora ceļa molā”.

Ite “Ceidaru” “Baltica 2022” dažaidu autoru foto šaļteņuos:

Pastuosti cytim!

Leave a Reply

Your email address will not be published. Required fields are marked *