Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
Pruota vātra Tonis birojā
Categories: LgSC sadzeive

Vakar vokorā aktivuokī LgSC Reigys bīdri Tonis birojā sataiseja rikteigu pruota vātru gon par temu Drukys aizlīguma atceļšonai Latgolā 105 i cytys nūzeimeigys jubilejis, pīmāram, „Tāvu Zemis Kalendaram” – 70, vairuokys izcylys personeibys svieteitu opolys jubilejis: Marija Andžāne i Konstantins Raudive -100, Fraņcs Trasuns -145,  gon par īspiejamū LgSC saukli, aizbiļdni – mītisku tālu, zvāru voi cytu kukaini…

Saisteibā ar pyrmū temu izdarejom nūpītnu dorbu – radejom i uzrakstejom jaunīšu radūšūs dorbu par Latgolu konkursa nūlykumu.

Jaunīšu rodūšūs dorbu par Latgolu konkursa mierkis ir veicynuot Latgolys jaunīšūs interesi par sova nūvoda kulturu, viesturi, nūzeimeigom personeibom, volūdu i sabīdriski politiskim procesim. Rūsynuot jaunīšus izsaceit sovys puordūmys latgalīšu rokstu volūdā, tai veicynojūt rokstu volūdys tradicejis nūsastyprynuošonu Latgolā, kai ari paust sovu vīdūkli par myusdīnu i viesturiskajim procesim, izmontojūt vizualuos muokslys tehnikys.

Konkursam sovus dorbus aicynojam īsnīgt jaunīšus: pamatškolnīkus (7.-9.klase), vydsškolānus, studentus vacumā leidz 25 godim.

Eseju konkursa temati:

  1. Kaidys personeibys vīta Latgolys kulturciesturē i juos davums.
  2. Nūzeimeigs nūtykums Latgolys kulturviesturē.
  3. Myusudīnu leluokuos problemys Latgolā i jūs rysynuojumu.
  4. Vīzeja par Latgolu i latgalīšim 2059. godā.
  5. Latgola – zyrgs voi mašyna?

Plakātu i karikaturu temys:

  1. Nūzeimeigs nūtykumsLatgolys kulturviesturē.
  2. Myusudīnu leluokuos problemys Latgolā i jūs rysynuojumi.
  3. Latgola i latgalīši 2009. godā.
  4. Latgola – zyrgs voi mašyna?

Dorbi tiks gaideiti leidz 10. apreļam (posta zeimūgs syutūt pa postu) ar nūruodi jaunīšu rodūšūs dorbu konkursam iz adresi: bīdreibys “Latgolys Studentu centrs” Reigys birojam, Antonijas ielā 8-3/6, Rīga, LV-1010 voi iz e-postu: lgsc@inbox.lv

A bez jautreibys nikai. Vajadzēja sasprēst i kū nanūpītnu. Tod i sprīdem i sprēdem, kaidam vajadzātu byut LgSC simbolam – dzeivnīkam voi tālam, kas, izdrukuots iz lynu kuleitis ci papeira mapeitis, sevkurā Latgolys studentā radeitu puorlīceibu – juobyut, juodora.

Prototipi tyka maklāti kai Tonis birojā, tai škārsteiklā. Tyka lītuots kuļdinīks i zylais zūbs. Pi gola tai i natykom. 🙂

Pruota vātra par mistiskū zvieri ci kustūni, kukaini ci radeibu beja tik aktiva i prīcynūši ļusteiga, ka pi vīnuota kūpsaucieja tai i natykom… 😉 Nūsprīdem tik, ka par itū tematu diskusejis turpynuosim cytureiz.

Varbyut ari Tev, ituo dīnroksta skaiteituoj, ir kaidys idejis? Roksti komentarūs!

Ci gribi nūbolsuot par myusu idejom? Ite byus saroksts:

[polldaddy poll=1466784]
Pastuosti cytim!

Leidzeigī roksti:

Leave a Reply