Lakuga vaira naklusej

Serveri ir aiznasti iz pareizū ustobu, pavasarī Lakugai svaigs gaiss i jauna patikšona. Vaira nav leluo errora, nav bailis – Lakuga ir. Pi vīna ir i jauni roksti – Petru Pīters čortojās par Latgolys pošvaļdeibom i školom, a Triāžu puiši sprīžpar legionarim, 2. Pasauļa karu i juo sekom.

Byus i jauni roksti, i dorbi. Nagļu pamatškolys škoļneicys īsyutiejušys dzejūļus latgaliski, 25. aprelī nūtiks “Vuolyudzāni” i LgSC taisuos izsludynuot saceriejumu konkursu. Jauna nedeļa jau īsasuokuse.