Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
Oficialuo pīcgode!

Piļneigi natycami, kai skrīņ laiks, bet 2. novembrī byus bīdreibys “Latgolys Studentu centrs” oficialais pīcu godu jubilejs nu šaļts kod LgSC registrāta kai juridiska organizaceja. Itam nūtykumam par gūdu  aicynom vysus bīdrus, atbaļsteituojus i aktivistus iz drupeit svineiguoku sasatikšonu kaidā nu piļsātom!

Daugovpilī 17:00 esi aicynuots iz svātku peirāgu, čaju i dzīsmem Daugovpiļs birojā Varšavys īlā 4-13. Leidza juojam kaids gastiņcs i ļusteigs pruots. Piečuok vysi kūpeigi varātu ļautīs leidza jušonys prīcai par hokeju pi kaida nu leluokim ekranim piļsātā. Vaira vaicuot Vita vita.briska@gmail.com

Reigā 19:00 sasatikšona folkklubā “Ala Pagrabs” (Smiļkts ūļneica 16, Vacreiga). Kūpeigi svātki, sarunys, atminis, jauni plani, kaida dzīsme i kaita , bet puori vysam sasatikšonuos prīca! Pyrma tam 18:00 dreikst īsarast iz čaja krušku Tonis birojā! Vaira vaicuot Edeitei edeite@inbox.lv

Rēzeknē 19:00 Egļu ūļneicā 4-32  raudzeisim sajaukt, sajust, sagaršuot- nūtykumu, cylvāku, emoceju kokteiļus. Runuosim, mineisim, lēksim i dzīduosim par LgSC, myusim pošim, i cytom zemom!
Vaira informacejis vaicuot – Dagnejai ci Ilzei, lgsc-rezekne@inbox.lv

 

 

 

Pastuosti cytim!

Leidzeigī roksti:

1 Comment to “Oficialuo pīcgode!”

  1. jureits saka:

    Eistineibā – lela prīca, ka tai veiksmeigi atsateistejuse suokūtneji daudzejim troka ideja 🙂
    paļdis Arvim Soldānam, kas iniceja dūmu par vajadzeibu registrētīs par oficialu bīdreibu, paļdis tīm padsmit studentim, kas itū vajadzeibu atbaļsteja 2005.goda julī bīdreibys dybynuošonys sanuoksmē. Paļdis Guntim Šmaukstelim, kas naatsaceja uzajimt vadeituoja omotu bīdreibys darbeibys suokumūs, paļdis Ilonai Zaicevai, kas naatlaideigi turpynova dorbu, i prūtams tagadejai vadeituojai – Ilzei Spergai, kas lelā mārā “vaineiga” pi tuo, ka bīdreiba ir tik aktiva i pasuokumi nūteik gondreiž caur dīnu! Eipašs paļdis Artim Loginam par vysu gruomatvedeibys i lītvedeibys dzelu kuorteibu!
    Paļdis kotram LgSC bīdram i atbaļsteituojam, kas dora! Paļdis ari tīm LgSC idejis turātuojim, kas tū virzeja vēļ ilgi pyrms oficialuos izaveiduošonys.
    Saulis myužu Latgolai i panuokumim boguotu atteisteibys ceļu bīdreibai “Latgolys Studentu centrs”!
    P.S. Ar lapnumu varu raksteit sovā CV: “vīns nu bīdreibys LgSC dybynuotuoju” – tys varbyut tai formali skaņ, bet maņ eistyn cīš daudz nūzeimej!

Leave a Reply