Rss Feed Tweeter button Facebook button Youtube button
Latgolys Studentu centrs
Par LgSC dzeivi i sadzeivi
Latgolys Studentu nedeļa 13.-18. septembris!

Latgolys Studentu centrs pīduovoj vysim jaunajim (i varbyut na tik jaunim) studentim nu Latgolys i cytom Latvejis vītom nedeli nu 13. leidz 18. septembram aizvadeit studentiski Latgaliskā gorā!

Nedelis programma:

Reigā:

13. septembrī 16:00-20:00 Atvārtūs durovu piecpušdīna LgSC birojā Antonejis īlā 8-3/6 (tautā saukts par Tonis biroju). Tī variesi izzynuot par latgaliskom aktivitatem i pasuocīnim Reigā, par īspiejom pošam dareit i dorbuotīs, kai ari piecpušdīnis gaitā nūsavērt kinys “Par sevi, draugim i Latgolu” obejis dalis, aizpiļdeit aizdavumus par Latgolu, latgalīšu muzyku i volūdu!

14. septembrī 18:00 Vokora styga “Atzolīšim pa pādom jeb piparmātru čaja kauss”! Starts nu t/c “Olimpeja”, kur dalinīki tiks sadalāti pa komandom (jim leidza draugus) i kausa izceinis laikā pīdzeivuos ekstremuos puorvierteibys kai ari īspieja paruodeit sovys zynuošonys par Latgolu Reigā, sportiskū formu i cytys prasmis! Leidza (piec vareibys) vari pajimt fotoaparatu! Eipaši aicynuoti atsasaukt vysi atzolīši! Pārnejuo goda biļdis

15. septembrī 18:00 Muzykali akustiski latgalisks koncerts “Rudiņs skanis” Latvejis Universitatis Mozajā aulā. Pīsadola Latgolys jaunīšu kuors “Sono juvenis”, vokali instrumentaluo grupa “Rudiņs Steigys” i dzīsminīks Kārlis Strūbergs.

16. septembrī 22:00 Pyrmū reizi muzykals pīdzeivuojums – studentu festivals “Studiņs 2010” klubā NABAKLAB (Z.A.Meierovica bulv. 12). Pīsadola grupys: Dabasu Durovys, ak69, Sovvaļnīks, New Buzz, Crust i Green Novice.

Vysys nedelis laikā, apmeklejūt pasuocīņus, ir īspiejis pīsadaleit konkursā i sajimt atlaižu kuponus iz “Studini”!

Daugovpiļs pusē:

13. septembrī 14:00-19:00 Atvārtūs durovu dīna LgSC Daugovpiļs birojā Varšavys īlā 4-13. Vysa informaceja par studentu latgaliskom aktivitatem Daugovpilī.

14. septembrī 16:00 Muzykali literars pasuocīņs “La-la-dra” Dagdys Tautys nomā

15. septembrī 19.00 Latgalīšu kinu vokors LgSC Daugovpiļs birojā

Rēzeknē:

15. septembrī 20:00 “Studentu večerinka” Rēzeknis Augstškolys studentu vīsneicā Moskovys īlā 22.

Upītē:

18. septembrī 19:00 Meilys aiļu i muzykys festivals “Upītes Uobeļduorzs”. Vacuokais latgalīšu festivals!

Paraleli vysim pasuocīnim – kotru dīnu nu pyrmudīnis leidz pīktdīnai www.lgsc.lv tiks publicāts kaids vaicuojums par Latgolu, studentim i LgSC. Leidz dīnys beigom atsyuti pareizū atbiļdi i, nedelis laikā savuocūt vysvaira punktu – sajim bolvu!

Pastuosti cytim!

Leidzeigī roksti:

Leave a Reply