Uobeļu zibakceja Rēzeknē
Uorā palīk soltuoks i soltuoks, cylvākim rudiņs napateik drāgnuo laika dēļ, deļtam Rēzeknis biroja aktivisti i bīdri sadūmuoja īprīcynuot i duovynuot smaidu cytim. Nu vielmis īprīcynuot roduos ideja, kai tū paveikt – uobeļu zibakceja. Sasadorbojūt ar Z/S „Ezermala” tyka saguoduots gondreiž 200 uobuļu. Sovu dorbu pīlykom pi parunu mekliešonys i zeimeišu pīsīšonys pi kotra uobuļa. I tai mes, Rēzeknis biroja aktivisti, 15.oktrobrī iz īlys satykutūs cylvākus pasacentem īprīcynuot ar uobuļu daleišonu, kurā naītylpa ni reklama, ni prezentaceja par kaut kū nūpītnu. Dolūt uobuļus, prūtams, beja vysaidi breiži – gon pateikami, gon na tik. Bet pats golvonīs, ka pēc ignoriešonys ci rupjis atbiļdis, turpynuojom smaideit i raiseit smaidus cytim. Juopīmiņ, ja tymā trešdinī beja leits i deļtam cylvāki beja vēļ vaira saskumuši, tok breižim lykuos, ka palyka syltuoks i gaišuoks nu tim smaidim i paļdis vuordim. Īdevem uobuļus i taidim, kuri prasieja puortulkuot teksteņu iz lapenis, eipaši prīceigi beja vacuoki ļauds, kuri jau vairs natic, ka jaunīši myusdīnuos muok lobu dorbu dareit. I tīši nu jim mes dzierdiejom lobu vuordu kolnus. Piec vairuoku stuņžu staiguošonys, mierkšonys leitā, īšonys pi cylvākim ar smaidu i vuordim : „Lobadīna, „Latgolys Studentu centrs” dola vitaminus pyrma zīmys. Lai Jiusim loba dīna!”, beja pateikams nūgurums i labi padareita dorba sajiuta. Pasaver, gondreiž 200 cilvāki pasmaidēja!
Ingūna
