Suokušuos “LgSC” bīdru individualuos koučinga sesejis

Suokušuos “LgSC” bīdru individualuos koučinga sesejis

Turpynojūt Aktivūs īdzeivuotuoju fonda atbaļsteituo projekta “Bīdreibys “LgSC” kapacitatis styprynuošona pylsūniskuos sabīdreibys i īdzeivuotuoju leidzdaleibys veicynuošonai i tūs interešu puorstuoveibai Latgolys regionā” eistynuošonu, projekta aktivitatē par bīdreibys kūpeibys i vadeibys prasmu styprynuošonu suokušuos bīdru individualuos koučinga sesejis.

Koučinga (latvīšu literarajā volūdā – spējraisis) individualajom sesejom varēja pīsateikt “LgSC” bīdri, projektu vadeituoju i aktivitašu dalinīki. Pyrmajam koučinga sasatikšonu pūsmam pīsasacejuši septeni interesenti. Individualajuos sasatikšonuos ar “LgSC” apvuiceibu programas vadeituojim, izaugsmis platformys “MeYou.One” trenerim Ievu Johansoni i Henric Johansson teik izrunuoti vaicuojumi par kotra poša bīdra izaugsmi, dareišonu, problemvaicuojumim i vītu organizacejā.

Turpynojūt apvuiceibu i izaugsmis programu, individualajom koučinga sesejom varēs pīsasaceit vēļ. Par gribiešonu lyugums raksteit Edeitei edeite@lgsc.lv.

Atguodynojam, ka nu 2021. goda 1. maja da 2022. goda 30. apreļa bīdreiba “LgSC” eistynoj projektu “Bīdreibys “LgSC” kapacitatis styprynuošona pylsūniskuos sabīdreibys i īdzeivuotuoju leidzdaleibys veicynuošonai i tūs interešu puorstuoveibai Latgolys regionā”. Projekts sajiems atbolstu Aktivūs īdzeivuotuoju fonda kapacitatis projektu konkursā. Projekta finansātuojs ir Islande, Lihtenšteina i Norvegeja. Sajimtais atbolsts 19 994,87 €. Vaira par projektu var izzynuot ite: https://lgsc.lv/aktivus-idzeivuotuoju-fonds/.

Pastuosti cytim!

Leave a Reply

Your email address will not be published. Required fields are marked *