Seminars Latgolys školu jaunuotnei ATZOLYS 2009

Moto:

Iz tom jaunom atlasem lai ir vysa myusu cereiba i par jom lai mes vysvairuok guodojam.
Izaugs lelys atlasis, tod ari vacim kūkim jūs pakrieslī byus loba atpyuta.
Kazimirs Skrynda

Atzolys – seminars Latgolys jaunīšim vacumā nu 15 da 19 godu.
Atzolys (ari atlasis) – atvasis, jauni dzynumi.

SEMINARA MIERKI:
*īpazeistynuot Latgolys jaunīšus ar nūvoda viesturi i kulturu;
*paleidzēt apgiut latgalīšu rokstu volūdu;
*paleidzēt apsazynuot sova dzymtuo nūvoda kulturys boguoteibys i *sovpateibu, byut lapnam par jom;
*styprynuot latgaliskuos ideņtitatis apzini.

Byus vareiba īsapazeit ar latgalīšu literaturu, folkloru i rokstu volūdu, Latgolys kulturys viesturi i tradicejom.
Lektori – Latvejis i regionalūs augstškolu pasnīdzieji i “Latgolys studentu centra” bīdri.
Seminara gaitā sūpluok lekcejom i nūdarbeibom lītdereiga i aizraujūša atpyuta.
Kotrys seminara dalinīks pīsadalēs interešu grupuos, vokora pasuocīņūs, muzykalūs i teatralūs uzvadumūs i vuiceibu lekcejuos, gius i papyldynuos sovys zynuošonys par Latgolys nūvoda kulturviesturis boguoteibom i sovpateibu.

Reikoj
bīdreiba “Latgolys Studentu centrs”

Seminars nūtiks Preiļūs 2009. goda 2.-6. augustā

Dasacejumus gaideisim da 2009. goda 15. juņa (posta zeimūgs).

Ka byusi pījimts daleibai seminārā, seikuoku informaceju atsyuteisim juļa suokumā pa postu

Daleibys moksa Ls 15, īspiejama Ls 5 atlaide moznūdrūšynuotim jaunīšim

Ceļš da Preiļu i atpakaļ juoapmoksoj pošim dalinīkim

Dasasaceišonys kuorteiba:
sovu CV i motivacejis viestuli (parkū Tu gribi pīsadaleit Atzoluos i kū ceri nu jom īgiut)
syuti iz posta adresu: „Atzolys”, Lindai Orolei, Ezera iela 4, Dagda, Krāslavas rajons, LV-5674,
ci iz e-posta adresu: linda_orole suneits yahoo.com

Informaceja byus:
sātyslopā www.lakuga.lv
LgSC sātyslopā http://www.lakuga.lv/lg/lgsc
LgSC dīnrokstā http://skreine.wordpress.com

Kontaktpersona
Linda Orole, e-posts: linda_orole suneits yahoo.com, kuļdinīks: 26389380