Rss Feed Tweeter button Facebook button Youtube button
Latgolys Studentu centrs
Rumuliešonuos piļsātā atdzeivynoj tradicejis

Kab pīvārstu viereibu latviskūs tradiceju izzušonai i piļsātvidei kai ituo procesa veicynuotuojai, bīdreiba “Latgolys Studentu centrs” ituo goda 23. aprelī Reigā, Esplanadē, reikuoja rumuliešonuos “flešmobu”, aicynojūt iz kūpeigu laisteišonūs ar iudini i tai piec seņom tradicejom īzeimojūt vosorys suokumu.

Jura dīna seņūs laikūs ir bejuse zemnīka goda suokums, kod suocēs jauna gonu i vosorys dorbu sezona. Ar itū dīnu ir saisteita rumuliešonuos tradiceja – laisteišonuos ar iudini, kod pyrmū reizi gonūs tika izdzeitys gūvs – kab byutu boguota raža, augleiba i gūvu pīneigums. Kas byus dabuojs Jura dīnys iudiņa svieteibu, tam vosorā naīs mīgs i lūbsīs vysi dorbi.

Vītom Latgolā Jura dīna vēļ arviņ ir vīna nu goda jautruokom dīnom, rumuliešonuos tradiceja teik pīkūpta gūdam. Vys tik myusu dīnuos urbanizacejis deļ tei strauji izzyud.

Piļstātā gon nav gūvu, kū laist ganeibuos, nu ari ite īīt vosora. Tuo deļ škārsteiklā tika izplateits aicynuojums 23. aprelī 14 stuņdēs i 14 minutuos sasatikt Esplanadē kūpeigam “flešmobam”. Tuo ilgums – cikom leidza pajimtais iudiņa trauks tukšs.

Dīvam žāļ laika apstuokli tymā dīnā nabeja cīši vasareigi, leja leits i sniga snīgs, nu tys natraucieja atguojušūs nu vysys sirds vīnam ūtru “īsvieteit” i cerēt, ka vosora vys tik dreiži byus kluotu. Akcejis golvonais mierkis – tradicejis īdzeivynuot ari piļsātā – tika pīpiļdeits! Piec goda nūteikti varātu atkuortuot! 😉

Video: Dainis Juraga

Foto: LETys arhivs

Pastuosti cytim!

Leidzeigī roksti:

Leave a Reply