Proza i karbonadis. Konkursa “Latgolys prozys skaitejumi 2023” nūslāguma nūtikšonys tīšraide
Catūrtdiņ, 7. decembrī, 19 stuņdēs Rēzeknē nūteik konkursa “Latgolys prozys skaitejumi 2023” nūslāguma nūtikšona “Proza i karbonadis”, kurai kluotyn iz vītys “IGGI bārs & karbonādes” voi tīšraidē ITE leidza sekuot var kotrys grybātuojs.
Lai veicynuotu literarū procesu Latgolā i latgaliski raksteitūs tekstu radeišonu Latvejā, jau catūrtū reizi latgalīšu kulturys kusteiba “Volūda” (bīdreiba “LgSC”) izsludynuoja konkursu “Latgolys prozys skaitejumi”. Konkursā beja aicynuoti pīsadaleit vysa vacuma Latgolys kulturtelpai pīdareigi autori, kurī roksta prozu. “Latgolys prozys skaitejumūs 2023”, kurūs devize beja “Es rokstu, bet voi tu skaiteisi?” tyka sajimts 21 vysaidu autoru dorbs kai latvīšu literarajā, tai latgalīšu rokstu volūdā.
Konkursā īsyuteitūs dorbus viertēja žureja, kurā beja literaturzynuotneica Ilga Šuplinska, rakstneica i redaktore Jana Egle, literaturzynuotnīks Valentins Lukaševičs, konkursa “Latgolys prozys skaitejumi” treis īprīškejūs godu uzvarātuoja Annele Slišāne, kai ari gruomotu blogere Inga Gedžūne.
Par lobuokajim konkursā atzeiti literaturys telpā jau labi zynomu, kai ari vēļ naīpazeitu itaidu autoru – Alda Bukša, Ilzis Spergys, Vitys Briškys, Dāvida Rubena, Ilzis Aizsilys, Sarmītis Trūpys i Egitys Kancānis – prozys dorbi.
Konkursa uzvarātuojs tiks paziņuots 7. decembrī konkursa nūslāguma pasuokumā Rēzeknē, kurā sovus dorbus skaiteis Vita Briška, Dāvids Rubens, Ilze Aizsila, Sarmīte Trūpa i Ilze Sperga. Taipat pasuokumā muzicēs grupa “Gandreiž 10nīkā”, bet nūtikšonu vadeis Kārlis Taranda. Lobuokūs konkursa dorbus piečuok varēs puorskaiteit portalā lakuga.lv, bet konkursa uzvarātuojs svātdiņ, 10. decembrī, 17 stuņdēs pīsadaleis literaturys festivala “Prozas lasījumi” nūslāguma pasuokumā Reigā, kulturys centrā “M/Darbnīca” (A. Briāna īlā 9).
Kluotyn asūšajim pasuokuma skateituojim byus vareiba vokora laikā styprynuotīs ar literarim iedīnim nu konkursa nūslāgumam speciali sataiseituos iedīņkartis.
Konkursu “Latgolys prozys skaitejumi 2023” organizej latgalīšu kulturys kusteiba “Volūda” (bīdreiba “LgSC), tuo nūslāguma nūtikšonu atbolsta literaturys festivals “Prozas lasījumi 2023” (Latvejis Rakstnīku savīneiba), Vaļsts kulturkapitala fonds, SIA “IGGI”, latgalīšu kulturys