Pavasars Tievanānūs? Deļkuo nā?!

10286763_646234902118225_6537641520888172941_o

Jau kurū godu zam ailis sevi pīsoka vysu godu gaideitais nakomercialais, nagudrais i nanormali glaunais pasuokums sovejim i sovejūs sovejim latgalīšu literaturys autorim i skaiteituojim „Tievanānu pavasars” aba „Tievanānu čulans”. Itūgod teksti, muzyka, tolka i guojīņs da Valna akmiņa 7. i 8. junī, kai jau īrosts, Tievanānūs (Jaunviļānūs).

Golvonuo pasuokuma dūma ir puļcēt vīnuvīt  latgalīšu literaturys autorus, skaiteituojus, sovejūs i vysus, kurim interesej latgalīšu kultura i pīdzeivuojumi. Pasuokums naiztiks bez tradiceju: latgalīšu dzejis, prozys skaitejumim, guojīņa naktī da Trūpu Valna akmiņam, bet byus ari puorsteigumi i daudzi vaira muzykys!

Pasuokumu tradicionali taisa bīdreibys „Latgolys Studentu centrs” jaunīši i jūs draugi, tok aicynuots pīsadaleit ir sevkurs. „Tievanānu pavasars” ir kai tekstu i sajiutu pleners, bet naiztikt ari bez dorbu pi apleicīnis sakuortuošonys ci ēst taiseišonys.

Vaira dazynuošonys, zvonūt 282 404 41 (Kristīne) ci rokstūt – reiga@lgsc.lv.

 

Īskotam – 2013. goda „Tievanānu pavasara” tvitersīnys spuornuotuos frazis:

…VNK dinozauri boguoteigi ražuoja metanu, i tod pyrmatnejais cylvāks atroda guni, nu a dinozauri apspruoga. /Oseits/ – teoreja par lelū spruodzīni.

Who is your Papiņš? /Regita/

Myusim ir cylvāki bez mītenim. /Juoņs Papeņš/

Indra Juoņam: „Navaru īsadūmuot tevi ar motim.” Oseits: „Dalic sīnu.”

Es asu Edeite, es asu puoruok vaca! Jezup! Muora! Jezus Marija!

Es namuoku fočēt bez smaidim. -Aizej iz bērem.

Strods navar izliduot nu sovys ligzdys. (Par Arti Strodu)

Ka Kreipāns komeņteitu buļbu viršonu, jis stuosteitu par selekcionaru babu dzeivis gryuteibom. /Renārs/

Napuordzeivoj par Oseiša līsu, golvonais, lai galeņš nasasakrota. /Renārs&Papeņš/

Muora ir latgalīšu Čaks Noriss – LaKuGā naīt, bet vysu zyna. /Edeite/

–Ite maņ ir ūlys! –Nā, ūlys ir Aināram! /Ligijai aizruoda…/

 

Lobuokī fragmenti nu iztēlis veicynuošonys treneņa darbneicuos ar Raibū Suni:

Taids, ar lobu plešu iz golvys, pogosta prīkšnīks Vaņa ar veikala puordevieju Daugovpiļs autobusu parkā dzīduoja himnu, lai styprynuotu Latvejis izgleiteibys sistemu.

Sakoltušais angļu sportists ar tāva sīvu Zabludovkys pūrā dzyna šmakovku, lai kačeišim byutu labi.

Taids pamozs, paņūrceits i tūmār glauns, suortais batviņs ar Šimandrū, nu pokemonim, pi transformatora durovu mozguoja lupotys, lai dzeive, koč gryuta, bet skaista byutu.

Pīters, tys, kam kasilka kuoju nūruove, lels, meiksts i opols, nu Vipingys autobusa iz šosejis leikuma iz točku skrēja palākdams, deļtam ka augstuokī spāki tai beja lāmuši. Punkts.

Garais Jureits ar biļešu konduktoru, pasamūds dzeivinīku nūvītnē, daleja pīnu dzāruojim, a kū ta cytu vītejim bomžim dareit?

 

Pastuosti cytim!

Leave a Reply

Your email address will not be published. Required fields are marked *

This site is protected by reCAPTCHA and the Google Privacy Policy and Terms of Service apply.