Nūvodu dīna Breivdobys muzejā
Breivdobys muzejs atkluoj jaunū sezonu i aicynoj iz Nūvodu dīnu 2. majā!
Latgolys sātā saimnīkoj LgSC i pīduovuos vysaidys tradicionalys i na tik tradicionalys latgaliskys padariešonys!
Tymā skaitā – Latgolys Zvaigžņu torgi! Izsūle ar montom, kū sabīdreibā zynomi latgalīši zīduojuši kūpeigam mierķam – vysi īnuokumi aizīs “Latgalīšu dzīšmu kladis” izdūšonai.
Suokums 12:00
- Liturgeja Sv. Jaunovys Marejis gūdam Eleonorviles katuoļu bazneicā sadarbeibā ar Reigys Gareiguo seminara audzieknim
- Sasadzīduošonuos maratons „Lobs ar lobu sasatika i sadzīduoja!”
- Sasadoncuošona „Dzīduot muoku, doncuot muoku!”
- Latgolys Zvaigžņu torgi – izsūle nu sabīdreibā pazeistomu latgalīšu personeigom montom
- Latgalīšu kaitys „Kurs mudruok: zyrgs ci mašyna?” – kaušonuos ar mītim, juošona ar zyrgu i cytys tradicionalys i na tik tradicionalys latgalīšu kuozu spēlis
- Maja dzīduojumi pi krysta ar VEF Kulturys piļs Senioru kluba Latgalīšu sadzeivis dzīšmu ansamblis „Olūteņš”
Tok bez vysa tuo: individualuos saceņseibys – kaušonuos ar mītim, zyrgu skrīšanuos saceņseibys, īspieja pošam sev sataiseit latgalisku krekleņu, dvīli, kuleiti i c. ar latgaliski sauklim! Kruosys byus, tik juopajam leidza iz kuo zeimēt! 😉
Eipaši aicynojom pīsadaleit torgūs! Tiks izsūleitys dažaidys montys, kū pīduovoj sabīdreibā zynomi latgalīši taidi kai: hokejists Ģirts Ankipāns, muziki Ingars Gusāns (Sovvaļnīks, Borowa Mc), Guntis Rasims (Bez PVN, Oranžais koris), Juris Ostrovskis (Patrioti.lg), Aigars Runčis (Borowa Mc), ābeču kolekcionars Juris Cibulis, Nacionāluo botāniskuo duorza direktors Andrejs Svilāns i cyti.
Torgūs vari kliut par eipašnīku kaidai nu montom: hokejista Vankuverys 2010 olimpiskūs kaitu kiverei, hokeja vāzai, jūstom (gon tautiskai, gon modernai), muzykys albumam, gruomotai i cytom sadzeivē nodereigom llītom ar kaida zynoma latgalīša stuostu i veļtejumu.
Ite puors montu, pi kuo vareisi tikt.
Hokejista Girta Ankipāna 2010. goda Vankuverys olimpiskūs spieļu kaska, juo hokeja vāza i autografs.
Muzykanta Ingara Gusāna (Sovvaļnīks, Borowa MC) jūstys.
Grupys “Bez PVN” gitarys steigys.
Muzykanta daGunchi (Bez PVN, Oranžais koris) capure.
Aigara Runča (Borowa MC) “Ibrahima ūtrs lobuokais draugs” i albums “Ui, lobs!”
Aigara Runča (Borowa MC) cīš meils i daudzi koncertus pīdzeivuojs krakls ar uzrokstim “Betmenc” i “Borowa MC”
Torgūs sazīduotuo nauda tiks izmontuota “Latgalīšu dzīšmu kladis” izdūšonai, kurā tiks apkūpuotys popularuokuos tradicionaluos i modernuos dzīsmis!
Vaira dazynuošonai vari vaicuot Edeitei:
edeite@inbox.lv ci 29509672