Nu naformaluos vuiceibys leidz „Latgalīšu mafejai”

29. martā Latgolys Studentu centra Daugovpiļs biroja interesenti tykuos Parādis koju 7. ustabeņā. Īvodā Dagneja pastuosteja, kas ir naformaluo vuiceišonuos, ari par jaunīšu vyspuorejom īspiejom i īspiejom ari īsavuiceit koč kū jaunu piec principa – dori pats i vysam, kū tu dori, nav pareizeibys voi napareizeibys jiedzīņa. Sarunā par naformalū izgleiteibu sovu atspaidu deve ari Arnis Slobožaņins, kas turpmuokuo vokora gaitā myusim īvuiceja spēlēt „Latgalīšu mafeju”. Tei beja īspieja īsajust glupuo īdzeivuotuoja, prosta sābra, abarmota, mafejis i vēļ cytūs tālūs, kū prasmeigi vajadzēja nūslēpt. Ka spēlis principā beja „nūvuokt” mafeju, tod mes varim lepuotīs, ka myusu latgalīši ir eisti mafiozi, partū ka mafeja vysuos spēlēs prasmeigi slēpēs i uzvarēja piļsātu i mīrmīleigūs īdzeivuotuojus. Kaidam tei beja pyrmuo spēlis pīredze, kaidam koč kura jau nazyn kura reize, bet vīnuojomēs, ka tei nabyus pādejuo.

Daugovpiļs biroja interesenti

Pastuosti cytim!

Leave a Reply

Your email address will not be published. Required fields are marked *

This site is protected by reCAPTCHA and the Google Privacy Policy and Terms of Service apply.