LgSC Rēzeknis jaunīši par studejom, draugim, Pasauļa golu

 

 

 

 

 

 

 

 

 

 

Juopībolsoj  parunai, ka studenti ir jautri cylvāki! Pa vydu lekcejom, praksem,  i ikdīnys lītom, saīt kūpā, jam i safiļmei jautru studentu video!

Dūmys aizsuoceji i darbeibys dziniejspāks ir bīdreibys „Latgolys Studentu centrs” Rēzeknis nūdalis darbeigī bīdri i draugi, pīsaistūt cytus Rēzeknis Augstškolys (RA) studentus.

Video fonā skaņ latgalīšu rokgrupys „Bez PVN” dzīsme „Vysagols”. Golvonuo video dūma ir paruodeit, ka studejis nav tikai gruomotu kolni i lekcejis, bet ari draugi, sarunys, inceresny nūtykumi, bali. LgSC Rēzeknis biroja i RA jaunīši ir cīši draudzeigi i vīnuoti vysaiduos izdareibuos i, ka byutu Pasauļa gols, jī tū sagaideitu kūpā.

Tai kai lip-dup video namontei, bet fiļmei vysu iz raizis nu suoku da gola, fiļmeišonys laikā studentim vyss ir juoizdora kai planavuots, ka vins kū sajauc vyss juosuok nu jauna. Pi video tyka struoduots vaira dīnys, i tī ir īsaisteiti apmāram 30 jaunīši. Tai kai video ir nanūpīnts, vyss fiļmeišonys laiks beja kai izklaide, sovys „aktieram muokslys” puorbaudeišona, byušona kūpā ar sovejajim.

Guodoju, ka pasaulis gols tik dreiži naatīs, i paspiesim izdareit veļ vysaidys lītys. LELAIS PAĻDIS par dzīsmi grupai „Bez PVN” i RA studentam Kristapam Kalabanovam par fiļmeišonu. Paļdis vysim, kas pīsadaleja fiļmeišonā i tim, kas beja aiz kadra.

 

Ar saulainim sveicīnim-

Dagneja

 

Pastuosti cytim!

2 Replies to “LgSC Rēzeknis jaunīši par studejom, draugim, Pasauļa golu”

  1. vēļ video varātu byut kaids LgSC logo i beiguos titrūs tak ari varātu raksteit latgaliski, ka vyss video ir taids latgalisks 😉
    gaidam jaunus video!

  2. tys beja taids video deļ RA, kai īres moksa par biroju 😀 ir myusim planūs iz prīšku taiseit video deļ pošim, deļ LgSC, tī jau vyss byus ar logučim i pavysam latgaliski 😉

Leave a Reply

Your email address will not be published. Required fields are marked *

This site is protected by reCAPTCHA and the Google Privacy Policy and Terms of Service apply.