Lekceja “RUNYS MUOKSLA”

Turpynojūt pīredzis stuostu i lekceju ciklu, 19. oktobrī 18:30 RTU (Reigys Tehniskuos universitatis) golvanajā sātā Kaļķu ūļņeicā 1 219. kabinetā Reigā, pīduovojom pusūtru stuņdi garu lekceju “Runys muoksla”. Lekceju vadeis zeimūla “ELVI” sabīdriskūs attīceibu vadeituoja Vineta Grigāne-Drande.

Lekcejā par:

  • Kai sasagataveit publiskai runuošonai?
  • Kai nanūsabeit i tikt golā ar lampu drudzi?
  • Kaidus paleigleidzekļus izmontuot?
  • Kai publisku uzastuošonūs padareit efektivu, kab studeju bīdri i pasnīdzieji klausuos, i studeju dorbi teik aizstāvāti sekmeigi?

Drūši ej pots i aicini leidza draugus – lobu zynuošonu nikod nav par daudzi!

Atguodynom, ka oktobrī bīdreiba „Latgolys Studentu centrs” Reigā aizsuoks lekceju-pīredzis stuostu ciklu, kura laikā ar sovim pīredzis, veiksmis, zynuošonu stuostim i lekcejom daleisīs latgalīši, kas kasdīnī struodoj atbiļdeigūs i nūpītnūs omotūs, dorbojuos radūšuos jūmuos ci dora kaidys cytys interesantys lītys, zynuošonys par kurom varātu paleidzēt/nūderēt turpmuokuos gaituos ari cytim, golvonūkuort, studentim pīredzis giušonai.

Pastuosti cytim!

Leave a Reply

Your email address will not be published. Required fields are marked *

This site is protected by reCAPTCHA and the Google Privacy Policy and Terms of Service apply.