Latgalīšu saīts Ūzulnīkūs
20. aprelī tyka aizvadeits grandiozuokais pasuokums LgSC Jelgovys biroja viesturē. Div mienešu dorbs, kū mes īguļdejom itam pasuokumam, nabeja veļteigs.
Jau nu reita 18 jaunīši nu LgSC Jelgovys biroja īsaroda Ūzulnīku kulturys nomā, kab paleidzātu organizēt latgalīšu saītu, kura laikā tyka īskandynuota dīna „Byusim vīnuoti Latvejā”. Itys pasuokums vīnā vītā sapulcynuoja, varātu saceit, rekordlelu skaitu Jelgovys biroja bīdru i aktivistu.
Vysys dīnys garumā vajadzēja sasagataveit, kab gūdam tyktu nūvadeiti 2 koncerti, kab gosti sasajustu kai sātā i kab vysim apmaklātuojim natryuktu izklaižu. Iz Ūzulnīkim atbrauce ari īpaši gosti nu Lendžu i Bieržgaļa, kurī uzastuoja ar daņčim, dzīsmem, teatri i apdzīduošonu.
Vysys dīnys garumā varēja nūsavērt dažaidys kinys par Latgolu, apsavērt i īsaguoduot keramikys izstruoduojumus, kai ari gruomotys latgaliski i par Latgolu, muzykys diskus i suvenirus. Sevkurs, kas īsagrīze pasuokumā, varēja Latvejis kartē atzeimēt, nu kurīnis jis ir i kur dzeivoj niu. Tys apstyprynuoja, ka cylvāki tik teišom beja sabraukuši nu molu molom!
LgSC bīdri vadeja vokora koncertu, kai ari beja īstudiejuši ludzeņu, kū ruodeja vysim vokora koncerta skateituojim. Vysa nūslāgumā beja balle, kuru spielēja Rasma un Gunārs Igauni.
Paļdis vysim par sirsneigū i draudzeigū pasuokumu, kas atnese lelu gondariejumu par padareitū dorbu, kai ari cerim iz sadarbeibu ar Ūzulnīkim ari iz prīšku.
Jelgovys birojs
