Rss Feed Tweeter button Facebook button Youtube button
Latgolys Studentu centrs
Latgalīšu puorsoku vokors

Bīdreiba “Latgolys Producentu Grupa” šudiņ, 5. oktobrī 19:00 īlyudz iz Latgalīšu puorsoku diska prezentaceji i puorsoku vokoru Reigā, bufetē-skaiteitovā “Pie Humberta” Berga bazarā (karte zamuok).

Vokora cielīnī storp dorba i gulietīšonys laiku raudzeisim atrast breivu šaļteņa latgalīšu puorsokom, čaja kruškai i kaidam muzykalam puorsteigumam – tys vyss, kab īpazeistynuotu interesentus ari Reigā ar latgalīšu puorsoku disku i pošu īraksteitū tautys boguoteibu – latgalīšu puorsokom.

Ar Vaļsts Kulturkapitala fonda i bīdreibys “Latgolys Producentu Grupa” atbolstu vosorys beiguos tyka izdūts pyrmais audio īroksts / CD “Latgalīšu puosokys i puorsokys”, kurā īkļautys latgalīšu tautys puorsokys. Materiala īrokstā pīsadalejuši Latgolā i Latvejā vairuok ci mozuok pazeistami kulturys aktivisti (kuru vydā ari vairuoki ” Latgolys Studentu centra” bīdri i atbaļsteituoji).

Diskā īraksteita 31 puorsoka i tuos īrunuojuši – muziki (Aigars Runčis, Artūrs Uškāns, Gunārs Igaunis, Guntra Kuzmina, Alvis Bernāns, Juris Vucāns, Ilmārs Dreļs u.c.), rakstnīki, dzejnīki (Valentīns Lukaševičs, Oskars Orlovs, Līga Rundāne), artisti (Kristaps Rasims, Andris Rudzinskis) i cyti kulturys i sabīdriskī aktivisti. Īraksteituos puorsokys vairuoku godu garumā, teikūtīs ar teiciejim vysaiduos Latgolys vītuos, savuokuse kulturys darbineica i tradicionaluos kulturys tradiceju turātuoja Iveta Dukaļska.

Puorsoku vokors Reigā ir vīns pasuocīņs nu latgalīšu puorsoku prezentacejis pasuocīņu serejis. Latgalīšu puorsokys jau skaiteitys Viļakys nūvoda Upītē, dreižumā tuos dzierdēs ari Rēzeknē, Dagdā, Kuorsovā i cytur.

““Peiksti voi napeiksti, ak muote sacē, ka juosaklausa, ta juosaklausa irā!” tai nadaudz puorfrazejūt vīnu nu puorsokom var sacēt par izdūtū disku. Juosaklausa, kab sajustu latgalīšu izlūkšņu boguoteibu, nūvoda eipatneibys i latgalīšu dzeivis gudreibu”, atzeist īroksta izdevieji.

Puorsoku disku Tev ir īspieja ari pasaklauseit LgSC birojā Reigā, kur tys atrūnoms ari audio īrokstu bibliotekys plaukteņā! 😉 Ej tik gostūs!

Teikamīs šudiņ “Pie Humberta”!

Pastuosti cytim!

Leidzeigī roksti:

Leave a Reply