Latgalīšu danči

Ituo gods 17. oktobrī „Latgolys Studentu centrs” kūpā ar Daugovpiļs nūvoda Kulturys centra folklorys kūpu „Dyrbyni” vysus kojuos nūsolušūs i doncuot grybūšūs pulcynuoja vīnuvīt – Daugovpiļs nūvoda Kulturys centrā „Vārpa”. Lela prīca beja par tik daudzim latgalīšu danču interesentim i tikpat lela par multikulturalū sastuovu, bet kai zynoms – auss, rūkys, kuojis i visi puorejī organi myusim vysim ir vīnaidi.

Lai lobuok sasadoncuotu, suokumā vajag arī īpasazeit, kū latgalīšu danču aktivisti ari veiksmeigi izdareja, i tod jau „Dyrbyni” aicynuoja vysus dzīduot i doncuot. Guojom gon sieņuos baraviku lauzti, gon ari Oiru sadoncuot. Nivīns spāka nataupeja, partū ka uzsvēre, ka itaida energejis nūvadeišona ir cīši veseleiga paraleli lekceju apmekliejumam. Piec vysys ļustiešonys nūtyka ari atkluotuo anketiešona ar vaicuojumim – voi maņ patyka, voi es atīšu vēļ i voi es pajimšu kaidu leidza? Sajemūt apstyprynūšys atbiļdis, LgSC i „Dyrbyni” sūleja nuokušū sūpluoksaīšonu. Vāluok sekuoja diskusejis i atsapyusšona pi čaja, pošcaptim peirāgim i cytim gordumim. Vysim leidza tyka īdūtys pozitivys emocejis, smīklu šaļts, atminis par bierneibu, mynūt kaidu pazeistamu deju sūli, i syltums, kuru kotrs varēja īlikt sev kuldā, sūmā voi aiznest rūkuos.

Itī breineigī latgalīšu dzīšmu i deju svātki, kuri nūtyka Daugovpilī, tyka aizvadeiti, apsūlūt jaunys i jaunys sasatikšonys.

LgSC Daugovpiļs birojs

Pastuosti cytim!

Leave a Reply

Your email address will not be published.

This site is protected by reCAPTCHA and the Google Privacy Policy and Terms of Service apply.