La-La-Dra 12.decembrī
Jau vairuokus godus vīna nu bīdreibys “Latgolys Studentu centrs” tradicejom ir muzykali literarī pasuokumi “La-La-Dra” jeb “Latgalīts Latgalīšam Draugs” voi “Latgalīts Latvīšam Draugs”. 😉 Pasuokums ir ceļojūšs i leidz šam aicynuojs muzykantus, literatus i klauseituojus sasatikt dažaiduos Latgolys vītuos – Rēzeknē, Dagdā, Vuorkovā, Daugovpilī – i Reigā.
Šūnedeļ, 3. Adventa svātdīnē 16.00 latgalīšu muzikali literarais pasuokums “La-La-Dra” nūtiks J.Raiņa sātā Berķenelē (Daugovpiļs nūvoda Kalkūnis pogosta Birķineļūs ). Itys ir eipašs, svātku gaideišonys, puordūmu laiks – Advents, deļ tam eipaša atmosfera i emocejis garantātys. Kūpā ar latgalīšu ailinīkim, muzykantim i klauseituojim byus prīsters.
