Kriminalromana “Bruoli” radejis īstudiejuma īroksti
Nu 21. da 25. marta Latvejis Radejis 1 eterā izskanieja pyrmuo kriminalromana latgaliski “Bruoli” radejis īstudiejums. Jaunajā īstudiejumā, kura muokslinīcyskais vadeituojs ir Kristaps Rasims, pīsadaleja 25 Latvejis profesionalūs i amaterteatru akteri, kai ari sabīdreibā pazeistamys personeibys.
Romana sižetu dramatiziejuse Rūta Dišlere. “Bruoļu” radejis versejā pīsadola 25 Latvejis profesionalūs i amaterteatru akteri, sabīdreibā pazeistamys personeibys, kai ari pats kriminalromana autors Aldis Bukšs. Īstudiejumā skaņ akteru Jāņa Kruoņa, Katrīnys Grigys, Ingys Misānis-Grasbergys, Kristapa Rasima bolsi, kurim pīsavīnuojuši Baļtinovys dramatiskuo kolektiva “Palādas” i Rēzeknis Tautys teatra akteri – Anita Ločmele, Jāzeps Jermacāns, Imants Slišāns, Aldis Leidums, Ilmārs Dreļs, Jānis Pampe i cyti. Taipat īstudiejumā īsaskaņ ari sabīdreibā pazeistamu personeibu – aktera i komika Jāņa Skuteļa, radejis personeibys i influencera Laura Zalāna, muzika Renāra Kaupera, pasuokumu i raidejumu vadeituoja Mārtiņa Kozlovska aba Kozmena, prīstera Guntara Skutela i cytu bolsi.
Kriminalromana “Bruoli” radejis īstudiejumu ar Latvejis Radejis i Vaļsts kulturkapitala fonda finansialu atbolstu eistynoj Latvejis Radejis Latgolys studeja i latgalīšu kulturys kusteiba “Volūda”.