Rss Feed Tweeter button Facebook button Youtube button
Latgolys Studentu centrs
Latgolys Studentu nedelis konkurss. Rezultati

Paļdis vysim, kas pīsadalieja Latgolys Studentu nedelis konkursā! Naceriejom iz tik lelu atsauceibu, bet vys tik juosoka, ka kaids ir uzvarātuojs, kaidam pasaveics mozuok.

Taitod – par nedelis konkursa uzvarātuojom ir klivušs div dalineicys: Vineta Vilcāne i Zaiga Kuzminova, kas ir piļneigi pareizi atbiļdiejušs ir vysim nedelis vaicuojumim i īgivušs maksimalū punktu skaitu, kas ir 21! Veicinuošonys bolvu sajam Diāna Orlovska ar 20 punktim.

Bolvu – čaja dzeršonys komplektu – var sajimt suokūt ar 28. septembri LgSC Tonis birojā (atsarosšonuos vītu viertīs Kontaktu sadaļā)! Vālams īprīšk sasazynuot par sajimšonys laiku (rokstūt iz ortografeja@gmail.com), bet orientejūši tys ir biroja dorba laiks!

Reikuosim pa kaidam konkursam ari iz prīšku i aicinojom Tevi pīsadaleit ari turpmuok!

Pareizuos atbiļdis iz konkursa vaicuojumim:

1. Kū latviski nūzeimoj itī latgaliski vuordi i kaids sakars tim ar „Latgolys Studentu centru” (pīroksti leluokais vīnā teikumā)?

SUSĀTIVS – cylvāka āna i LgSC izdūta myusdīnu latgalīšu dzejis antologeja.

SKREINE – pyura luode i LgSC dīnroksta nūsaukums pyrma puorsavuokšanuos iz lgsc.lv

ATZOLYS – atvasis, jaunī dzinumi i LgSC izgleitojūšs seminars Latgolys jaunīšim

Pareizi atbiļdūt iz itū vaicuojumu, varēja sajimt 6 punktus (1 punkts par tulkuojumu iz latvīšu volūdu, 1 punkts par sakara ar LgSC skaidruojumu)

2. Nūsauc treis latgaliskys vītys/lītys/objektus, kaidus Tu zini Reigā!

Pareizi atbiļdūt iz itū vaicuojumu, varēja sajimt 4 punktus (1 punkts par kotru pareizi nūsauktū vītu/lītu/objektu + 1 punkts par originalitati). Kotram konkursa dalinīkam treis latgaliskuos lītys beja individualys, nu prīca, ka bīžuok par vysom tika mināts LgSC Tonis birojs.

Originaluokuos atbiļdis beja:

  • Plūstu īlys sāta, kurā dzeivoju es – latgalīšu meitine!
  • RTU, Mehu kojis (Ezermolys īla 6) – uzskotu, ka ļūti latgaliska vīta, par tū, ka tū sabrauc ļūti daudz studentu nu Latgolys. Tī latvīšim ir unikala izdeveiba dzierdēt latgalīšu valūdu i sajust latgalīšu temperamentu. :))
  • Latgolā salaseitais piparmātru čajs munā koju ustobā

3. Nūsauc kotra dzejūļa fragmenta autoru!

Pareizi atbiļdūt iz itū vaicuojumu, varēja sajimt 3 punktus (1 punkts par kotru pareizi nūsauktu ailis autoru).

Pareizuos atbiļdis: 1 – Ireta Čekse, 2 – Līga Rundāne, 3 – Ilze Sperga

4. Kura grupa dzīd kurū dzīsmi?

Pareizi atbiļdūt iz itū vaicuojumu, varēja sajimt 6 punktus (0,5 puntki par kotru pareizū atbiļdi).

Pareizuos atbiļdis: 1-C, 2-I, 3-F, 4-A, 5-J, 6-E, 7-D, 8-L, 9-K, 10-H, 11-G, 12-B

5. Kurā datumā i iz cik godu oficialū jubileji, Tev byutu šūgod juoīrūnās pi Latgolys Studentu centra?

Pareizi atbiļdūt iz itū vaicuojumu, varēja sajimt 2 punktus (1 par pareizu datumu, 1 par jubilejis lelumu).

Pareizuo atbiļde: Ituo goda 2. novembrī bīdreiba „Latgolys Studentu centrs” svinēs sovu oficialū pīktū dzimšonys dīnu (nu registriešonys uzjāmumu i bīdreibu registrā).

Pastuosti cytim!

Leidzeigī roksti:

1 Comment to “Latgolys Studentu nedelis konkurss. Rezultati”

  1. Liene saka:

    Prīkā uzvarētojīm!

Leave a Reply to Liene