Jelgovys LgSC birojs atjaunoj darbeibu

2012. goda rudinī Jelgovā tyka nūdybynuots LgSC birojs. Tyka reikuoti leluoki i mozuoki pasuokumi, kas puļcieja studentus na tikai nu Latgolys, bet ari nu cytim Latvejis nūvodim. Laika gaitā pīnuoce breids, kod biroja darbeiba kliva aiz viņ mozuok aktiva i iz kaidu šaļti apsastuoja vyspuor. Ituo goda 27. februarī Jelgovys studentu klubā nūtyka jaunīšu saīšona, kuru beja nūorganiziejuse tūpūšuo biroja vadeituoja Līga Šapale, kab apsprīstu īspieju atjaunuot latgaliskys aktivitatis Jelgovā. Iz tikšonūs beja paaicynuots vīns nu bīdreibys dybynuotuojim Jurs Viļums i Jelgovys biroja bejušais vadeituojs Valērijs Kušnirs. Jaunīši tyka īpazeistynuoti ar LgSC mierkim, aizdavumim, kasdīnys darbeibu i realizātajim projektim. Piec nūpītnom sarunom sekuoja ari nanūpītnys – tyka spieļuots latgalīšu aliass, kur atrūnami taidi vuordi, kurus ikdīnā vairums naizmontoj voi kuri rakstureigi kaidam nu Latgolys regionu. Prīks par Jelgovys jaunīšu atsauceibu, draudzeigumu i interesi par latgaliskū. Pasasokūt aktivim jaunīšim, dreizumā nūtiks pyrmuos sapuļcis, kab lamtu par aktivitatem. Vielejam apjiemeibu, drūsmi, veiksmi i daudz jaunu i foršu ideju LgSC Jelgovys birojam!

Valērijs Kušnirs

Foto: Laine Kjazja

Pastuosti cytim!

Leave a Reply

Your email address will not be published. Required fields are marked *

This site is protected by reCAPTCHA and the Google Privacy Policy and Terms of Service apply.