Jelgovys birojs pīsadola piļsātys svātkūs
Sevkura piļsāta kotru godu sviņ sovus svātkus. Jelgovā šūgod tys nūtyka tuvuojūtīs maja beigom. Naizmainūt tradiceju, ari itymā godā Jelgovys piļsātys svātku ītvorā nūtyka svātku guojīns, kurā pīsadalieja ari LgSC bīdri i aktivisti.
24. majā, sasapuļciejūt daudzom organizacejom iz Jelgovys piļsātys svātku guojīni, ari LgSC napalyka molā stuovūt, bet jiema daleibu tymā. Apviļkdami zylūs krekleņus ar LgSC simboliku, kab atsaškiertu nu cytim, drūši ījāmam vītu svātku guojīnī. Pa ceļam uzdzīduodami latgalīšu dzīsmis i, zam Latgolys karūga ejūt, paruodiejam sevi vysai piļsātai. Tys beja lobs veids, kab vairuok cylvāku uzzynuotu par LgSC, jo Jelgovā daudzi vēļ par taidu bīdreibu nikuo nazyna. Ari guojīņa vadeituojs, saucūt vysus dalinīkus, nadaudz apmulsa un pats nariskieja izrunuot uz zeimis izraksteitū nūsaukumu „Latgolys Studentu centrs”, bet palyudza tū izdariet vīnam nu biroja bīdrim.
Piec guojīņa nūlēmem, ka ari cytus godus pīsadaliesim taidā pasuocīnī, sveicūt piļsātu – Jelgovu. Piļsātu, kuru niu varam saukt par sovu sātu!
Jelgovys biroja jaunīši