Jelgovīši sagaida Green Novice

14. martā Jelgovā gastieja latgalīšu folkroka/metala apvīneiba „Green Novice”, kura pavysam naseņ izlaiduse sovu debejis albumu „Padebeši”. Kai īrosts, ka Jelgovā uzastuoj kaida latgalīšu grupa, pyrma koncerta LgSC jaunīši sareikoj jīm interveju. Naizpalyka ari „Green Novice”. Kūpā ar jīm interveju snīdze ari jūs draugu grupa „Pūķa gars”, kurei ari tymā vokorā pyrms „Green Novice” kuope iz skatuves i prīcēja vysus „Malnūs Capureišu Balerejas” apmaklātuojus.

Interveja ar grupom nūtyka naformalā gaisūtnē, iz kuru varēja īzarast sevkurš interesents. „Green Novice” atzyna, ka Jelgovā jī uzastuos pyrmū reizi, bet puišus tys namulsynuoja, par tū jī beja atkluoti i lobā gorastuovūklī. Intervejis laikā izstuostieja nadaudz par sevi i par grupys darbeibu, atzeistūt, ka muziciešona nav vīneigais, kū jī dora, ironizejūt, ka ar tū vīn dzeivuošonai napītyktu. Vēl atkluoja, kai jī izavielieja grupys nūsaukumu, kaidu muzyku kotrs klausās kasdīnā, kaidi sasnīgumi ir jūs pīredzē. Kūpumā vysys intervejis laikā valdieja viņ pozitivisms i tyka izstuosteiti daudzi jautri stuosti. „Green Novice” LgSC Jelgovys birojam ari uzduovynuoja sovu albumu.

Piec intervejais daudzi beja ari īsarodušs „Malnūs Capureišu Balerejā”, lai dzeivajā izpiļdiejumā pasaklauseitu apvīneibys „Green Novice” dzīsmis.

Bet nuokušajā dīnā tymā pat vītā cylvāki puļciejuos iz grupys „Rikši” uzastuošonu, tymā skaitā LgSC Jelgovys biroja jaunīši. Itymā reizē vaicuojumus jīm nauzdevem, deļtuo, ka jī jau beja gastiejuši pi myusu pyrms goda. 🙂

Juosoka, ka pasateicūt ituom grupom, izskanieja dīzgon latgaliska nedelis nūgale Jelgovā. Tagad gaideisim ari cytys tautīšu grupys Jelgovā, lai ari Jelgovys latvīši vēļ vairuok varātu īpazeit latgalīšu muzykalū veikumu.

Olita Bidzāne

Jelgovys birojs

 

Puors biļdis nu 14.marta

(foto: Kristīne Sergejeva)

Green_Novice_Jelgava_14032014_37 Green_Novice_Jelgava_14032014_39 Green_Novice_Jelgava_14032014_41 Green_Novice_Jelgava_14032014_43 Green_Novice_Jelgava_14032014_45

Green_Novice_Jelgava_14032014_18

Pastuosti cytim!

Leave a Reply

Your email address will not be published. Required fields are marked *

This site is protected by reCAPTCHA and the Google Privacy Policy and Terms of Service apply.