Jaunīt, jem daleibu jaunūs literatu školā!

Spolvys meistars navar tapt četruos betona sīnuos īslāgts! Taišni deļtam “Latgolys Studentu centrs” aicinoj vysus jaunūs Rēzeknis i Viļānu nūvoda latgaliski raksteit grybātuojus iz naformaluom apvyuceibom lauku sātā literatu školā – „Tievanānu pavasars 2013” Jaunviļānūs nu 6. leidz 9. juņam.Tievanani jaunisim

Lobs driebnīks navar izšyut suknis, napataustejs auduma, lobs skaiteituojs – nasajuts ūtra cylvāka i tikkū pļautys zuolis smuorda. Ka tevi navar nūbīdēt lauku sātys romantika, tod mes skaidri zinim, ka tu vari byut vīns nu myusu i četruos breineiguos dīnuos nūsleipēt sovu raksteit prasmi i stilu, sasavuiceit jaunu knifu, sasatikt i vuiceitīs nu eistynim meistarim: augstškolu docātuojim i Latgolā atzeitim i ļūbeitim latgalīšu raksteituojim.

Placu pi placa, zeimuli pi zeimuļa, izzynuosi par tū, kai niu izaver latgalīšu literatura, kur jū meklēt i kai dūt dzeiveibu. I kas pots lobuokais – taišni Tievanānūs tev byus īspieja sastapt interesantus ļauds, ar kurim kūpā vuiceitīs, daleitīs pīredzē i pylnveiduot sevi.

Rodūšajuos darbneicuos meklēsim īdvasmu kai pļovā, pyunē i mežā, tai ļaudīs. Vysuos sajiutuos variesi daleitīs Tievanānu pavasara dzejis skaitejumu vokorā, iz kuru byus aicynuoti latgalīšu literati i vysi nūvoda klauseitīs grybātuoji. Nu tevis gaidom rodūšu goru, vuiceitīs gribiešonu i jaunus tekstus.

Daleiba apvuiceibuos ir bez moksys!

Apvuiceibu aprokstu, parādu i dasacejuma anketu meklej ite. Anketu  syuti iz lgsc@lgsc.lv leidz 1. juņam.

Pasuocīns „Jaunūs literatu škola „Tievanānu pavasars 2013” teikt eistynuots ar Rēzeknis nūvoda dūmes i Viļānu nūvoda dūmes finansialu atspaidu.

Vaira dazynuošonys:

Renārs Kancāns T.: 25152774 (LMT), 22143390 (Bite), e-posts: renars10101@inbox.lv

Pastuosti cytim!

Leave a Reply

Your email address will not be published. Required fields are marked *

This site is protected by reCAPTCHA and the Google Privacy Policy and Terms of Service apply.