Izdūts “Ceidaru” albums “Dzīduotumi, ļustātumi”
Latgalīšu kulturys kusteibys “Volūda” folklorys kūpa “Ceidari” 2. novembrī muzykys straumiešonys platformuos publiciejuse digitalū albumu “Dzīduotumi, ļustātumi” ar 10 skaņdorbim, kas veļteiti Bierzpiļs pusis dzīduotuojim i jūs dzīsmem.
Albumā “Dzīduotumi, ļustātumi” īkļautys desmit dzīsmis, kū sovulaik dzīduojuši Bierzpiļs apleicīnē dzymušī dzīduotuoji – Anna Bundža, Anna Stiernīks, Bronislava Romanovska, Cipirans Pokrotnīks (zynoms ari kai literats Augusts Egluojs) i Marta Šmidte. Vysys dzīsmis jimtys nu LU Literaturys, folklorys i muokslys instituta Latvīšu folklorys kruotivis digitalajā arhivā http://garamantas.lv atrūnamūs materialu. Albums īraksteits studejā “Lauska” Reigā pi skaņu režisora Kaspara Bārbala. Albums daīmams popularuokajuos muzykys straumiešonys vītnēs nūsaklauseišonai kai stereo, tai ari “Dolby Atmos” telpiskuos skanis tehnologejuos.
“Dzīduotumi, ļustātumi” īrokstā pīsadaleja “Ceidari”: Daina Blažēvica, Mairis Iesalnieks, Jolanta Keiša, Edeite Laime, Sonora Logina, Vizma Mičule, Kristīne Pokratniece, Aivars Rožāns, Ilze Rudlapa, Marta Sīle, Jūlija Tumanovska.
Dzīšmu vuordi, informaceja ap albumu i dzīduotuojim daīmama pdf bukletā ITE. Bukleta dizainu veiduojuse muokslineica Dana Vasiļjeva, bet pi volūdys sakuortuošonys tolkā guojuse filologejis profesore Lideja Leikuma.
Albumu var nūsaklauseit ite:
Taipat tys daīmams muzykys straumiešonys platformuos:
Albuma dzīšmu failus (mp3 versejuos) zamynīluodēt bez moksys var ITE.
Latgolys Regionaluos televizejis sižets ap albumu “Dzīduotumi, ļustātumi” i tuo prezentacejis koncertim:
Bierzpiļs dzīsmem veļteitū albumu “Dzīduotumi, ļustātumi” īrokstu finansiali pabaļstejuse Vaļsts kulturkapitala fonda mierkprograma „Latvīšu viesturiskūs zemu atteisteibys programa“, kurū administrej Latgolys Regiona atteisteibys agentura, i privatī zīduotuoji.
Paļdis par albuma dorbu pabaļsteišonu vysaidūs veidūs:
Annai Rancānei, Ingai Dūkai i „BaltFolk“, Elmāram Pēterānam, Etai Nikolajevai, Jolantai Keišai, Juram Viļumam, Lidejai Leikumai, LU Literaturys, folklorys i muokslys instituta Latvīšu folklorys kruotivei, Sandim Laimei, Vinetai Vilcānei.
